वरकुटे-मलवडी : वार्ताहर
माण तालुक्यासह महाराष्ट्रात आंबेडकरी चळवळीशी विचारांनी घट्ट नाते असलेले मुस्लिम मावळे, शिव,शाहू,फुले,आंबेडकर या महापुरुषांचा वैचारिक वारसा जपणारे इम्तियाज नदाफ यांची वंचित बहुजन आघाडीच्या महाराष्ट्र प्रदेश प्रवक्तेपदी निवड करण्यात झाली असल्याने,महाराष्ट्रभर कौतुक होत आहे.”महराष्ट्र भर काम कर व वंचित घटकांचा आवाज बन आणि महाराष्ट्राला दिशा दे..!” अशा शब्दात दस्तुरखुद्द वंचित बहुजन आघाडी राष्ट्रीय अध्यक्ष अँड.प्रकाश आंबेडकर यांनी कौतुक केले.
सातारा जिल्ह्यामधील वडूज नगरपंचायतीसह आंधळी ग्रामपंचायतीच्या राजकारणामध्ये पक्षाच्या वतीने चाणक्याची भूमिका बजावून वडूज नगरपंचायतीमध्ये एक नगरसेवक निवडून आणला असताना पक्षाची वाढ होण्यासाठी एकाचे दोन नगरसेवक करण्यासाठी प्रस्थापितांशी रणनितिकार बनून चोख भूमिका बजावली.आंधळी ग्रामपंचायतमध्ये कोणाची युती ना आघाडी करता स्वतंत्र पॅनल स्वतः उभा करून वंचित घटकांना एकत्र करून,मतदारांना विश्वासात घेऊन भाजपाचे जिल्हा अध्यक्ष व आमदार जयकुमार गोरे यांच्या गावामध्ये वंचितचा स्वतंत्र ग्रामपंचायत सदस्य खुल्या गटातून निवडून आणला.पश्चिम महाराष्ट्रात महाबलाढ्य असलेले काँग्रेस,राष्ट्रवादी काँग्रेस,भाजपा पक्ष असूनही, वंचितांच्या मतांवर कसे निवडून यावे, याचे उत्तम उदाहरण देत वंचित बहुजन आघाडीला जिल्ह्यात राजकीय पटलावर स्वाभिमानाने प्रमुख प्रवाहात आणून दाखवले.त्याचबरोबर आपल्या अभ्यासू आणि आक्रमक भाषनांनी सातारचे गांधिमैदान गाजवल्याची दखल घेत पक्षाध्यक्ष बाळासाहेब आंबेडकर यांनी मा. इम्तियाज नदाफ यांची वंचित बहुजन आघाडी पक्षाच्या महाराष्ट्र प्रदेश प्रवक्तेपदी निवड केली. निवडी बद्दल प्रदेशाध्यक्षा रेखाताई ठाकूर,युवा नेते सुजातदादा आंबेडकर, सातारा जिल्हाध्यक्ष बाळकृष्ण देसाई, जिल्हा महासचिव आणि वडुजचे नगरसेवक तुषार बैले,सुभाषराव गायकवाड जिल्हा उपाध्यक्ष सुरेश जावळे,जिल्हा संघटक विठ्ठल झेलेपाटील,चंद्रकांत खरात,अशोक बैले,जयवंत बैले, बी आर जगताप, तालुका अध्यक्ष युवराज भोसले, तालुका महासचिव बजरंग वाघमारे, राजेंद्र आवटे,पोपटराव खरात,महिला आघाडीच्या सपनाताई भोसले, चित्राताई गायकवाड,माधुरी भोसले, आंधळी ग्रामपंचायत सदस्य अतुल खरात,आजिम मुल्ला,रणजित सरतापे,सलाउद्दिन काझी, इत्यादींनी अभिनंदन केले.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
