राज्यपाल पदावर असताना भगतसिंग कोश्यारी यांच्या संस्थेला १५ कोटींची देणगी; शाळेच्या नावे देणग्या मिळवून उघडले रिसॉर्ट

मुंबई : RSS च्या तालमीत तयार झालेले, भारतीय जनता पक्ष सत्तेत येईपर्यंत महाराष्ट्र राज्यात ठाकरे सरकारला हरएक प्रकारे असहकार्य करण्याचे धोरण स्वीकारलेले, छत्रपती शिवाजी महाराज, महात्मा फुले यांच्याबद्दल अनादर युक्त भाषा वापरणारे वादग्रस्त वक्तव्य करून महाराष्ट्रात सर्वांचा रोष ओढवून घेणारे राज्याचे माजी राज्यपाल भगतसिंग कोश्यारी आपल्या वादग्रस्त भूमिकांमुळे नेहमी चर्चेत असायचे. त्यातच आता कोश्यारी यांनी अनंत अंबानी यांच्याकडून देणग्या घेतल्या असल्याचं एक निनावी पत्र माहिती अधिकार कार्यकर्ते अनिल गलगली यांना मिळाले आहे. त्यामुळे राज्यात खळबळ उडाली आहे.

माहिती अधिकार कार्यकर्ते अनिल गलगली यांनी माजी राज्यपाल भगतसिंग कोश्यारी यांनी राज्यपालपदाच्या कार्यकाळात त्यांच्या संस्थेला किती देणग्या मिळाल्या? याची माहिती मागवली होती. मात्र ही माहिती राजभवनकडे नसल्याचे त्यांच्या कार्यालयाने सांगितले. पण एका बाजूला ही माहिती राजभवनकडे नसल्याचे सांगत असतानाच दुसऱ्या बाजूला माहिती अधिकार कार्यकर्ते अनिल गलगली यांना एक निनावी पत्र मिळाले. या पत्रात अनंत अंबानी यांनी भगतसिंग कोश्यारी यांच्या संस्थेला १५ कोटी रुपयांची देणगी दिल्याची माहिती आहे.

निनावी पत्रात असलेल्या माहितीनुसार, भगतसिंग कोश्यारीसारख्या माणसाने आपल्या पदाचा उपयोग करून उत्तराखंड मधील एका शाळेच्या नावाने भरपूर माया गोळा केली आहे. १०० सुद्धा मुले नाहीत, अशा शाळेकरिता कोट्‌यावधीच्या देणग्या गोळा केल्या आहेत. त्या पैशातून आपला पुतण्या दिपेंदरसिंग कोश्यारी याच्यासाठी शाळेच्या आसपास भरपूर जमीन खरेदी करून तिथे रिसोर्ट सुरू केली आहे. अनंत अंबानी यांच्याकडून या शाळेसाठी १५ कोटी रुपये घेतले आहेत. शेर सिंग कार्की सरस्वती विहार, डिगरा मुवानी, चामू, कनालीछीना, पिथौरागढ उत्तराखंड देवस्थळी यांच्या नावाने भरपूर संपत्ती गोळा केली आहे.

२०१९ पूर्वी संस्थांना किती देणग्या मिळाल्या आणि २००९ ते २०२३ या कालावधीत किती देणग्या मिळाल्या या तुलना सहज करता येऊ शकतील. Devbhumi Shiksha Prasar Samiti, Nainital Bank Haldwani Branch, Account No-0561000000000310 असा बँकेचा तपशील आहे. याशिवाय SBI मधील एका खात्यातही अनेक व्यवहार केले गेले आहेत, असा दावा या निनावी पत्रात करण्यात आला आहे.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत