अरे पण नथुराम पोंक्षे, तू तरी इतका पोकळ निघशील असं वाटलं नव्हतं रे!
तुझं सगळं आयुष्य ‘देव, देश, धर्म, संस्कृती, हिंदुत्व, परंपरा’ या शब्दांच्या गजरात गेले.
“संस्कृती वाचवा”, “हिंदुराष्ट्र घडवा”, “पाश्चिमात्य संस्कृतीचा विरोध करा” या घोषणा देताना तुझ्या शर्टाची बटणं तुटायची आणि श्वास चढायचा.
शब्दशः देशप्रेमाने तुझ्या डोळ्यात अश्रू यायचे.
पण आता काय बघतोय?
तुझीच एकुलती एक लेक अमेरिकेत शिकायला गेली आहे! पायलट बनायला गेली?..
कुठे गेलं तुझं धर्मरक्षण?
कुठे गेली ती परंपरा, संस्कृती, सतीत्व, साडी नेसण्याची शिकवण?
तुला वाटतं मुलगी पायलट झाली म्हणजे तू यशस्वी झालास?
पण ती आता जीन्स घालते, इंग्रजी बोलते, बॉयफ्रेंडशी गप्पा मारते हे तुला कसं झेपलं?
तू सावरकरांच्या नावाने इथे लोकांना घाबरवत राहिलास.
सावरकर म्हणजे राष्ट्र, राष्ट्र म्हणजे हिंदू, हिंदू म्हणजे गाय, आणि गाय म्हणजे धर्म असा तुझा तर्क होता.
मग तुझ्या मुलीने धर्म सोडून पाश्चिमात्य शिक्षण घेतलं, तेव्हा तुझं हिंदुत्व कुठे गेलं?
तिच्यासाठी तुझं ‘गोरक्षण आंदोलन’ कुठे गेलं?
अरे नथुराम, तूच ना तो, ज्याने ‘लव्ह जिहाद’ वर भाषणं देऊन गाव दणाणवलं?
पण आज तुझी मुलगी कुठल्या ‘Tom’ किंवा ‘John’ सोबत कॉफी डेटवर जातेय त्यावर तू काय म्हणशील?
सावरकरांना नमस्कार करून, माफीपत्राच्या छायाचित्रापुढे नमन करून, तू घरी जेव्हा याच लेकीचा अमेरिकेहून आलेला फोटो बघतोस तेव्हा स्वतःच्या बापाचे विचार आठवतात का?
काही विचार कर नथुराम पोंक्षे
शब्दांनी देशरक्षण करत बसलास, पण कर्तृत्वाने आपली मुलगी देशाबाहेर गेली.
तिला अडवलं नाहीस, कारण तूही आतून जाणतोस विद्या, विज्ञान, प्रगती आणि महिलांना संधी हाच खरा धर्म आहे.
पण मग इतरांसाठी ढोंग कशाला?
तुझ्या दोन्ही हातात मोदक, तोंडात धर्म आणि मनात अमेरिकेची ग्रीन कार्डची आशा हे तुझं खरं रूप आता उघड झालंय नथुराम पोंक्षे!
प्रभा मीद्दडी
https://www.facebook.com/share/v/1NfpYqqSHw/
**
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
