समाजमाध्यमांचा वापर करण्यासाठी सरकारने वयोमर्यादा निश्चित करण्याचा विचार करावा अशी सूचना कर्नाटक उच्च न्यायालयाने मंगळवारी केली. मद्यपान करण्यासाठी वयोमर्यादा आखून देण्यात आली आहे, त्याचप्रमाणे याचा विचार व्हावा असे न्या. जी नरेंदर आणि न्या. विजयकुमार पाटील यांच्या खंडपीठाने सुचवले.
मंगळवारच्या सुनावणीदरम्यान न्या. जी नरेंदर म्हणाले की, ‘समाजमाध्यमांवर बंदी घाला. मी तुम्हाला सांगतो, त्यामुळे भलेच होईल. आजच्या शाळेत जाणाऱ्या मुलांना त्याचे व्यसन लागले आहे. मला वाटते यासाठी मद्यपानासाठी असते तशीच वयोमर्यादेची अट घालायला हवी’.
ही मुले १७ किंवा १८ वर्षांची असतील. पण देशाच्या हितासाठी कोणती गोष्ट चांगली आहे आणि कोणती नाही हे समजण्याइतकी परिपक्वता त्यांच्याकडे असते का? केवळ समाजमाध्यमेच नव्हे तर इंटरनेटवरील बाबीही काढून टाकल्या पाहिजेत. ते मन भ्रष्ट करतात. सरकारने समाजमाध्यमांच्या वापरासाठी वयोमर्यादा लागू करण्याचा विचार केला पाहिजे.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
