महाराष्ट्र शासनाच्यावतीने अनुसुचित जातीच्या विद्यार्थ्यांवर व विविध सामाजिक योजनावर , लागू करण्यात आलेल्या निर्बंधाच्या अनुषंगाने व इतर महत्त्वाच्या विषयावरील चर्चा सत्र

प्रती,
अनुसूचित जातीचे
सर्व अधिकारी, कर्मचारी,
सामाजिक कार्यकर्ते,
राजकीय नेते, व सर्व
नागरीक
जिल्हा . धाराशिव

विषय :- महाराष्ट्र शासनाच्या
वतीने अनुसुचित जातीच्या विद्यार्थ्यांवर व विविध सामाजिक योजनावर , लागू करण्यात आलेल्या निर्बंधाच्या अनुषंगाने व इतर महत्त्वाच्या विषयावरील चर्चा सत्र दि. 26/5/2024 रोजी उपस्थित राहणे बाबत.

महोदय,
उपरोक्त विषय विनंती की, महाराष्ट्र शासनाच्या वतीने विद्यार्थी व सामाजिक उन्नतीसाठी च्या योजनांवर निर्बंध घातले जात आहेत . कांही योजना बंद केल्या आहेत, सदर निर्बंध हे समाजाच्या प्रगतीवर दुरगामी परीनाम करणारे आहेत.
त्यापैकी नुकताच महाराष्ट्र मंत्रिमंडळाने अनुसूचित जातीचे विद्यार्थ्यांना लावली उत्पन्नाची अट:* लोकांना कळू नये म्हणून मंत्रिमंडळ निर्णयामध्ये मुद्दाम नमूद केले नाही परंतु नंतरच्या शासन निर्णयाद्वारे छुप्या पद्धतीने अट लागू केली.
महाराष्ट्रात आता अनुसूचित जातीकरिता असलेल्या सर्वच योजना निष्क्रिय करणे आणि बंद करण्याच्या हेतूने हळू हळू उत्पन्नाची अट लागू करण्याचा सिलसिला सुरु झालेला आहे.
अनुसूचित जातीच्या सर्व प्रशिक्षण योजना, फेलोशिप योजना, परदेशी शिष्यवृत्ती योजना व अन्य अनेक योजनामध्ये उत्पन्नाची अट टाकण्यात आलेली आहे. तसेच बार्टी मार्फत चालू असले प्रशिक्षण तांत्रिक त्रुटी काढून जवळपास दोन वर्षांपासून बंद आहेत. *लोकांची ओरड होऊ नये म्हणून अशा अटी या मुख्य शासकीय निर्णयांमध्ये न टाकता परिशिष्ट (annexure) मध्ये टाकल्या जातात. त्या सहजा सहजी जनतेच्या नजरेस पडत नाहीत किंवा लक्षात येत नाहीत.
अनुसूचित जातीची मुले परदेशात शिक्षणासाठी पाठविण्याची समाज कल्याण खात्याची परदेशी शिष्यवृत्ती ची योजना आहे. यामध्ये जगातील पहिल्या 100 रँकच्या विद्यापीठांमध्ये अनुसूचित जातीची मुले जावीत म्हणून , शिष्यवृत्ती करीता अशी कोणतीही अट नव्हती. यामध्ये अनुसूचित जातीची मुले- मुली लंडन स्कूल ऑफ इकॉनॉमिक्स , कोलंबिया विद्यापीठ, हार्वर्ड, स्टॅनफर्ड, एमआयटी, व्हार्टन इत्यादी सारख्या संस्थानामध्ये जाऊन पुढे जगातील मोक्याच्या जागा पर्यंत पोहचू शकतील असा उद्देश होता.
आज आंबेडकरी समाजातील प्रत्येक पालकाला त्यांची मूले लंडन स्कूल सारख्या ठिकाणी जावीत असे वाटत असते. *परंतु तेथील फी आणि शिक्षणाचा खर्च हा 1 कोटी च्या घरात जात असल्यामुळे कोणताही पालकांना तेथे मुलांना पाठविणे अशक्य आहे.
*असे असताना परदेशात शिक्षणासाठी जाण्याकरिता उत्पन्नाची अट लावणे म्हणजे एक प्रकारे अनुसूचित जातीचे लोक मोक्याच्या जागांपर्यंत पोहचू नये याचाच बंदोबंस्त महाराष्ट्र मंत्रिमंडळाने (cabinet) केलेला आहे. मंत्री मंडळात असलेल्या असलेल्या एकाही मागास वर्गीय मंत्री अथवा आमदारांनी विरोध केलेला नाही.
ही बाब फार उशिरा निदर्शनास आली. दिनांक 19.10.2023 च्या मंत्रिमंडळ बैठकीमध्ये असा निर्णय घेण्यात आला. परंतु तो लोकांना कळू नये म्हणून वेबसाईट वर उपलब्ध असलेल्या मंत्रिमंडळ निर्णयामध्ये चालाकीने नमूद न करता लोकांपासून लपवून ठेवण्यात आला. मात्र दिनांक 30.10.2023 ला सामाजिक न्याय विभागाच्या शासन निर्णयामध्ये परिशिष्ट ( annexure ) मध्ये छुप्या पद्धतीने ही अट टाकण्यात आली.

शिंदे, फडणवीस आणि अजित पवारांचे हे शासन अशा छुप्या पद्धतीने अनुसूचित समाज्याची प्रगती थांबविण्याचे षडयंत्र करीत आहेत . दि.19.10.2023 चा हा मंत्रिमंडळ निर्णय आणि दि. 30.10.2023 चा सामाजिक न्याय विभागाचा शासन निर्णय महाराष्ट्र शासनाच्या वेबसाईट वर उपलब्ध आहे . शासनकर्त्यांची हि फसवणूक तुम्ही उघड्या डोळ्याने पाहाणार आहात का?. हा निर्णय घेऊन जवळपास ९ महिन्यापेक्षा अधिक कालावधी होऊनही देखील या बाबत महाराष्ट्रातील कोणत्याही सामाजिक व राजकीय नेत्यांनी साधा विरोधही केला नाही. यामुळे असे निदर्शनास येते की, समाजाच्या प्रश्नाचे यांना कांहींही देणं घेणं नाही. असे दिसून येते. यांना फक्त समाजाचे मत पाहिजेत आहेत. आता समाजाने स्वतः च्या प्रश्नाच्या बाबतीत जागरूक असणे आवश्यक आहे. समाजाच्या महत्वाचे विषयावर चर्चा व आंदोलनाची रूपरेषा ठरविण्यासाठी दि. 26/5/2024 रोजी व्हिजन करिअर अकॅडमी , सभागृह शाहु नगर, धाराशिव येथे दुपारी 12.30 वा. चर्चासत्र आयोजित करण्यात आले आहे. या मध्ये मान्यवरांचे मार्गदर्शन लाभणार आहे.
तरी विनंती की, सदर चर्चा सत्रस उपस्थित राहुन समाजाचे प्रश्न व आपले विचार व्यक्त करावेत हि नम्र विनंती.
निमंत्रक
आयु. शिंदे सी.व्ही.
संचालक- व्हिजन करिअर अकॅडमी- धाराशिव.
नायब तहसिलदार ( सेवानिवृत्त) धाराशिव.

प्रा.डॉ. सुरज ननवरे
Mob.9850163299
धाराशिव

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत