असा आशय असलेली Makarand Desai यांची पोस्ट वाचली पहिल्यांदा मुद्दा काय आहे कळालाच नाही पण त्यांनी कॉमेंट मध्ये लिंक दिल्यावर कळल कि अमेरिकेने भारताला सरळ सरळ हायड्रॉक्सीक्लोरोक्वीन च्या मागणी साठी धमकि दिली आणी सांगितले कि हायड्रॉक्सीक्लोरोक्वीन वरिल बंदी उठवा..भारतातील डॉक्टर्स नर्स पेशंट यांना अजून सुद्धा PPE गोळ्या इतर आवश्यक संसाधनें यांच्या काहिही पूरवठा होत नाही आणि अशा 131 कोटी देशाच्या लोकांचे भवितव्य वेशीवर टांगून मोदी सरकारने 24 तासाच्या आता कुठला ही माग चा पुढचा विचार न करता हायड्रॉक्सीक्लोरोक्वीन च्या एक्सपोर्ट वरिल बंदी उठूवुन टाकली त्यामुळं स्वतःची छाती 56 इंच आहे अस स्वतः बोलणारे देशाचे प्रधानमंत्री नरेंद्र मोदींजी अमेरिकेचे ट्रम्प यांच्या ऐका फोनवर झूकले अशी टीका त्यांच्यावर होत आहे.

सकाळ पासून भारताची पहिली महिला प्रधानमंत्री जिने पाकिस्तान चे दोन तुकडे केलेअश्या आयर्न लेडी
#इंदिरागांधी आणि अमेरिकेचा झंझावात रोखणारं वादळ आणि महान क्रांतीकारक #फिडेलकॅस्ट्रो यांच्या संदर्भातील अनेक लेख फोटो share होत आहे..याला महत्त्वाचा कारण असे कि या दोन्ही व्यक्ति अमेरिकेला कवडीचा ही भाव देत नव्हत्या त्यामुळं दोन शब्द या दोन व्यक्तिवर आपण सुद्धा लिहावे म्हणून हें लिहीत आहें.मी स्वतः ला चांगला वाचक समजतो मला लिहता येत नाही ..त्यामुळं कुठे तरी कुणाचे काहि तरी चांगल वाचायला मिळते तेच थोड तुमच्या सोबत share करतो…

1) अमेरिकेचा झंझावात रोखणारं वादळ फिडेल कॅस्ट्रो

अमेरिकेसारख्या बलाढ्या देशाच्या पायथ्याचा क्युबा देश. खरंतर अमेरिकेपुढे एखाद्या मुंगीएवढा. वेगवेगळ्या मुद्द्यांवर अमेरिकेचा नेहमीचा विरोध असतानाही या मुंगीएवढ्या देशाने अमेरिकेच्या नाकावर टिच्चून स्वतंत्र अस्तित्व कायम राखलं. क्युबा या छोट्याशा देशाने बिनदिक्कीतपणे अमेरिकेला आव्हान निर्माण करण्यामागची प्रेरणा आणि ताकद म्हणजे – ‘#फिडेल #कॅस्ट्रो’.

क्रांती यशस्वी झाल्यानंतरही फिडेलला अमेरिकेने त्रास देण्याचं कमी केलं नाही. अनेकदा फिडेल यांच्यावर जीवघेणे हल्लेही झाले. संशयाची सुई अमेरिकेकडेच वळली. सीआयएने फिडेल यांच्या हत्येचा कट रचल्याचा अनेक कथा गोपनीय दस्तावेजातून उघड झाल्या. मात्र, फिडेल कधीही डगमगला नाही. डझनभर अमेरिकन अध्यक्ष आणि बलाढ्य सीआयएला एकटा फिडेल पुरुन उरला. दहशतवादी कारवायांचा समर्थक देशांच्या यादीत क्युबाचा समावेश केल्याने अमेरिकेविरोधातील फिडेल यांचं मत अधिक तीव्र झालं होतं. शिवाय, आयात-निर्यातीवर बंधनंही घातली गेली होती. अशा अनेक कारणांनी क्युबाची अमेरिकेविरोधातील भूमिका पेटत राहिली.

काही महिन्यांपूर्वी अमेरिकेचे राष्ट्राध्यक्ष बराक ओबामा क्युबा दौऱ्यावर गेले होते. कित्येक दशकं बलाढ्य अमेरिका आणि छोट्याशा क्युबामध्ये विस्तव जात नव्हतं. ओबामांच्या रुपाने तब्बल 90 वर्षांनी अमेरिकन राष्ट्राध्यक्षाने क्युबाच्या मातीवर पाय टेकले. मात्र, तरीही संबंध फार काही सुधारले अशातला भाग नाही. कारण त्यावेळीही ओबामा यांनी राऊल कॅस्ट्रोंची भेट घेतली. मात्र फिडेल कॅस्ट्रो यांना भेटणं टाळलंच.

2) इंदिरा गांधीजी आणि अमेरिका

Blood telegram या Gary Bass यांनी लिहिलेलं पुस्तक अवश्य वाचा. 1970-71 च्या काळात बांगलादेशात (तेव्हाचे पूर्व पाकिस्तान) Archer Blood हे अमेरिकन Counsel General होते आणि त्यांच्या तत्कालीन अमेरिकन परराष्ट्र खात्याशी झालेल्या पत्रव्यवहारावर आणि व्हाईट हाऊस च्या declassified ऑडिओ टेप्स वर आधारित पुस्तक आहे. अमेरिकन नजरेतून इंदिरा गांधी पाहायला मिळतील. त्यातील दोन प्रसंग इथे मुद्दाम सांगतो….

प्रसंग_पहिला : युद्धपूर्वी इंदिराजी पाकिस्तान लष्कराच्या अत्याचार आणि याह्या खानच्या हुकूमशाही विरोधात जगभर जनमत तयार करत होत्या. स्वर्णसिंग हे मंत्री विशेषतः कार्यरत होते. नियोजित दौऱ्यावर इंदिराजी अमेरिकेत गेल्या. रिचर्ड निक्सन आणि हेन्री किसिंजर हे दोघे इंदिराजींचा अत्यंत द्वेष करत. व्हाईट हाउस च्या डिनरला निक्सन जगातल्या सर्व राष्ट्रांचे राजदूत आणि अमेरिकन सिनेटर याना मुद्दाम बोलावतात. सर्वांसमोर इंदिराजींचा पाणउतारा करायचा हे ठरवलेलं असतं. डिनर पूर्वी भाषणात toast करताना निक्सन अमेरिकेचं प्रभुत्व, अमेरिकेशी दुश्मनी घेतल्याचे दुष्परिणाम वगैरे अनेक विषय बोलून इंदिराजींवर दबाव आणण्यासाठी भाषण करतात. त्यांचे समर्थक जोरदार प्रतिसाद देतात, सर्वाना ते निक्सन यांचं सर्वोत्तम आणि आक्रमक भाषण वाटतं. त्या भाषणांनी आता इंदिराजी अत्यंत घाबरतील असं मत बनतं. भाषणाला उत्तर द्यायला इंदिराजी उभ्या राहतात आणि लेखकांनी लिहिलंय, “त्यानंतर सलग 40 मिनिट इंदिरा गांधी अमेरिकेच्या धोरण आणि नीतीला विवस्त्र करत होत्या. जगातल्या 20-21 देशांमधील अमेरिकेची लुडबुड, अत्याचार, पिळवणूक आणि शोषण त्यांनी स्पष्टपणे उघड मांडलं. किसिंजर यांना आठवण करून दिली कि तुम्ही स्वतः ज्यू असूनसुद्धा दुर्दैवाने हुकूमशाही अत्याचार, खून, बलात्कार या सर्व गोष्टी विसरला आहात. माझ्या देशात काही कोटी पीडित, अत्याचारग्रस्त निर्वासित आले आहेत आणि भारत त्यांना त्यांचा सन्मान, प्रतिष्ठा मिळवून देईल. सोबत असाल तर तुमच्या मदतीनं, नसाल तर एकटा भारत हे करेल”. सर्व राजदूत, सिनेटर, अमेरिकन प्रेस हे स्तब्ध, थक्क झालेल्या अवस्थेत सोडून इंदिराजींनी जेवण केलं.

प्रसंग_दूसरा : भारताने बांगलादेशात लष्कर पाठवून युद्ध सुरु केलं होतं. 8 दिवस उलटले होते. किसिंजर यांच्या सल्यावरून अमेरिकेन त्यांचं 7th fleet ला व्हिएतनाम जवळून बंगालच्या उपसागरात पाठवण्याचा आदेश दिला. अमेरिकेच्या भारतातील राजादूताने इंदिराजींना तसा निरोप पोहोचवला. आता तर इंदिरा गांधी solid घाबरणार आणि युद्धातून माघार घेणार याची खात्रीच अमेरिकेला वाटली. राजादूताने अमेरिकेत कळवलं होतं कि निरोप दिल्याबरोबर इंदिराजींचा चेहरा चिंताक्रांत झाला आणि तात्काळ उठून त्या चालू असलेल्या लोकसभेच्या विशेष अधिवेशनात गेल्या आणि त्यांनी सभागृहाला माहिती दिली आणि सांगितलं कि भारताची यावरील प्रतिक्रिया आणि भूमिका संध्याकाळी रामलीला मैदानावर जाहीर केली जाईल. तिकडे निक्सन आणि किसिंजर एकमेकांचे अभिनंदन करायला लागले, केक मागवला गेला. संध्याकाळी व्हाईट हाउस च्या situation room मध्ये इंदिराजींच्या भाषणाचा अनुवाद थेट फोनवर मिळेल याची व्यवस्था केली गेली. अचानक जाहीर केलेल्या पण लाखोंची उपस्थिती असलेल्या सभेत इंदिरा गांधी म्हणाल्या, “आज अमेरिकेनं धमकीवजा निरोप दिलाय कि त्यांचं 7th fleet आता भारताविरुद्ध बंगालच्या युद्धात उतरेल. अमेरिकेचा मानवी हक्कांबद्दलचा ढोंगीपणा आज उघडा झालाय पण मला त्यांना सांगायचं आहे कि भारत एकही पाऊल मागे हटणार नाही, उलट अत्यंत निकराने हे युद्ध लढेल. अमेरिका या युद्धात पडली, तर संपूर्ण जगाने पाहिलं नसेल असं यशस्वी युद्ध आम्ही लढू. बांगलादेश मुक्त होणारच”. Situation room मधली अवस्था बघण्यासारखी होती. आता काय करायचं, युद्धात तर पडायचं नाहीये, नुसतं घाबरवायच होतं पण आता प्रतिआव्हानच मिळालंय, सन्मानजनक माघार तरी कशी घ्यायची याच विवंचनेत निक्सन आणि किसिंजर ची रात्र गेली.

Ø संकलक
Ritesh Deshmukh

संदर्भ : 1) Namdev Anjana सर यांचा फिडेल कॅस्ट्रो यांच्या क्रांतीकारी जीवनावर प्रकाश टाकनारा ABP माझा वरिल लेख
2) Niranjan Takle सर यांनी लिहलेला लेख त्यांच्या Wall वरुन .
3) Photo Harshvardhan Magdum सर यांच्या wall वरुन …

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत