नरेंद्र मोदींविरोधात दाखल करण्यात आलेल्या याचिकेवरील सुनावणी सोमवार पर्यंत पुढे ढकलली.

नवी दिल्ली : धर्माच्या नावावर भाजपच्या बाजूने मते मागून आदर्श आचारसंहितेचा भंग केल्याप्रकरणी पंतप्रधान नरेंद्र मोदी यांना सहा वर्षांसाठी निवडणूक लढविण्यास अपात्र ठरवण्याच्या याचिकेवरील सुनावणी दिल्ली उच्च न्यायालयाने शुक्रवारी तहकूब केली. या प्रकरणावर आता सोमवारी सुनावणी होणार आहे.

न्यायमूर्ती सचिन दत्ता यांच्या एकल खंडपीठासमोर हे प्रकरण आज सुनावणीसाठी ठेवण्यात आले होते, मात्र त्यावर सुनावणी होऊ शकली नाही. याचिकाकर्ते सुप्रीम कोर्टाचे वकील आनंद जोधळे यांनी सांगितले की, न्यायमूर्ती दत्ता आज बेकायदेशीर क्रियाकलाप प्रतिबंधक कायद्यांतर्गत स्थापन करण्यात आलेल्या न्यायाधिकरणाचे प्रमुख होते. वेळेअभावी त्यांनी याचिकेवरील सुनावणी पुढे ढकलून २९ एप्रिल रोजी सुनावणी ठेवली. अधिवक्ता जोंधळे यांनी याचिकेत मोदींनी उत्तर प्रदेशातील पिलीभीत येथे ९ एप्रिल रोजी दिलेल्या भाषणाचा दाखला दिला आहे. ज्यामध्ये असा आरोप करण्यात आला आहे की पंतप्रधानांनी हिंदू आणि शीख देवतांच्या आणि त्यांच्या प्रार्थनास्थळांच्या नावावर मते मागितली नाहीत तर विरोधी पक्षांच्या विरोधात मुस्लिमांच्या बाजूने टिप्पणी देखील केली होती.

याप्रकरणी जोंधळे यांनी पंतप्रधान मोदींविरोधात निवडणूक आयोगाकडे तक्रार केली होती, मात्र आयोगाने त्याची दखल न घेतल्याने त्यांनी दिल्ली उच्च न्यायालयात धाव घेतली आहे.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत