पित्याच्या पार्थिवाला मुलींचा खांदा. पुरुष प्रधान संस्कृतीला फटा देत जन्मदात्याला दिला शेवटचा निरोप.

गडचिरोली : पुरुषप्रधान संस्कृतीची आणि कोण काय म्हणेल याची तमा न बाळगता चौघा बहिणींनी आपल्या लाडक्या पित्याच्या पार्थिवाला खांदा व मुकाग्नी देत एक वेगळा पायंडा पाडला. गडचिरोली जिल्ह्यातील देसाईगंज तालुक्यातील चिखली रिठ गावात अंतिम निरोपाचा हा दुःखद प्रसंग गावकऱ्यांनी अनुभवला.

चिखली रिठ येथील ८० वर्षाचे बाबुराव मडावी हे थोडीफार शेती करत आपल्या पत्नीसोबत उदरनिर्वाह करायचे. त्यांना चारही मुलीच होत्या. त्यांचे शिक्षण आणि लग्नासाठी बाबुराव यांनी रक्ताचं पाणी केलं होतं. वृद्धापकाळात आणि मागील काही दिवसांपासून आजाराने ग्रस्त असल्याने त्यांचं (मंगळवारी) १२ मार्च रोजी अचानक निधन झाले. काही दिवसापासून त्यांची प्रकृती खालावली होती. त्यांना मुलगा नसल्याने त्यांच्या चार मुलींनी त्यांच्या पार्थिवाला खांदा दिला. स्मशानभूमीत पार्थिवालाअग्नीही मुलींनीच दिला. यावेळी उपस्थित नातेवाईकांसह गावकऱ्यांचे डोळे पाणावले.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत