राहुल भंडारे मराठी नाट्य व्यावसायिक निर्माता संघाच्या अध्यक्षपदी बिनविरोध निवडून आल्याबद्धल हार्दिक अभिनंदन.!

राहुल भंडारे या आंबेडकरी विचाराच्या तरुण नाट्य निर्मात्याची सन 2026 ते 2031
या कालावधीसाठी मराठी नाट्य व्यावसायिक निर्माता संघाच्या अध्यक्षपदी बिनविरोध निवडून आल्याबद्धल हार्दिक अभिनंदन.!

त्यानिमित्ताने …

मला आवडतं,
तोंड भरून कौतुक करायला,
शाबासकीची थाप द्यायला,
यशात सामील व्हायला,
कौतुकाने पेढा भरवायला,
आनंदात सामील व्हायला,
अन भांडण, तंटा, कलह, वैरभाव, टाळायला.!

मी धीर देतो अपयशाने खचलेल्यांना,
अडचणींनी त्रस्त झालेल्यांना,
व्याधींनी मेटाकुटीला आलेल्यांना,
दुःखाने शोकमग्न झालेल्यांना,
अन कलागतीचे कारण शोधून,
समजावून सांगायला.!

कौतुकाच्या दोन शब्दांनी,
प्रोत्साहनाला उभारी येते,
अधिक यशासाठी, बळकटी मिळते,
पाठ थोपटण्याने, हुन्नर वाढते,
जिद्दीला अधिक बळ मिळते,
पेढा भरवण्याने गोडी वाढते
नात्याची दोरी अधिक घट्ट होते,
अन भांडण टाळण्याने,
वैरभावाची दरी, नाहीशी होते.!

म्हणतात ना, बुडत्याला काडीचा आधार ,
खचलेल्यांना, धीराचा उभार,
व्याधिने बेजार झालेल्यांना,
गोडी गुलाबीने उपचार,
दुखी. माणसाला,
आधाराचे शब्द चार,
अन वादाची ठिणगी,
विझते आरपार .!

हे फक्त माणूसच, करू शकतो,
त्याच्यामध्ये असते क्षमता,
समजून घेण्याची, विचार करण्याची,
मायेची, सेवेची, उभारी देण्याची,
अन प्रोत्साहित करण्याची,
असे केल्याने,
नुकसान नाही, होत काहीच ,
उलट आत्मिक समाधानाने,
मनाचा वसंत फुलतो, बहरतो,
समाधानाचा पूर येतो,
त्यासाठी केवळ अंतर्मनाचा आरसा,
विशाल करावा लागतो.!

त्यासाठी केवळ अंतर्मनाचा आरसा,
विशाल करावा लागतो.!!

त्यासाठी केवळ अंतर्मनाचा आरसा,
विशाल करावा लागतो.!!!

अरुण निकम,
9323249487.
मुंबई.
दिनांक…18/08/2026.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत