“गाव विकासात महिलांचे योगदान गरजेचे !” -रत्नमाला ताई वैद्य.

महिला राजसता आंदोलन महाराष्ट्र यांच्या वतीने मोजे गोरमाळे ता. बार्शी जि. सोलापूर येथे दि 12 ऑक्टोबर 2026 रोजी गावशाखा उदघाटन कार्यक्रमाचे आयोजन करण्यात आले.
कार्यक्रमाची सुरुवात राज्य समन्व्यक रत्नमाला ताई वैद्य व महिला राजसत्ता आंदोलन च्या कार्यकर्त्यां शारदा गायकवाड व सुवर्णा पंढरे यांच्या उपस्थित महिला राजसत्ता आंदोलन बोर्डास पुष्पहार अर्पण करून उदघाटन करण्यात आले.
या कार्यक्रमानंतर गावातील सभागृह येथे रत्नमालाताई वैद्य यांनी गावातील महिलांना मार्गदर्शन केले. त्यामध्ये महिलांनी नेतृत्वशील बनावे,गावाच्या सत्तेत सहभागी होऊन गांव विकासाच्या कार्यात सक्रिय व्हावे,गावातील सर्व उपक्रमांमध्ये पुरुषांच्या बरोबरीने महिलांनी सहभाग दर्शवा, महत्वाचे म्हणजे गांव पातळीवरील महिला सक्षम झाल्यास गांव आदर्श होईल. म्हणून गांवविकासात महिलांचे योगदान खूप महत्वाचे आहे.तसेच ग्रामपंचायत स्तरावरील बजेट बाबत माहिती,ग्रामसभा बळकटीकरण, गावात समानता प्रस्थापित करणे या बाबत सविस्तर मार्गदर्शन केले.गावशाखा अध्यक्ष शालन खळदकर उपाध्यक्ष अर्चना मोरे, सचिव शितल मोरे यांनी गोरमाळे गावात महिला राजसत्ता आंदोलन चे काम झाल्यापासून गावातील महिलामध्ये उत्साह व आत्मविश्वास निर्माण झाला आहे. महिलांचे संघटन मजबूत होत आहे याबाबत माहिती दिली. यावेळी गावातील शाखा सदस्य रुक्मिणी बनसुडे, मंगल मोरे, शिला सोनवणे, सुरेखा मोरे, अनिता बन सुडे, सुप्रिया मोरे इत्यादी महिला उपस्थित होत्या कार्यक्रमाचे प्रास्ताविक शारदा गायकवाड व सूत्र संचलन सुवर्णा पंढरे यांनी केले. आभार प्रदर्शन शालन खळदकर यांनी केले. हा कार्यक्रम यशस्वी करण्यासाठी महिला राजसत्ता आंदोलन बार्शी तालुका कार्यकर्त्यां सुवर्णा पंढरे, शारदा गायकवाड व महिला पदाधिकारी व सदस्य यांनी परिश्रम घेतले.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत