प्रत्येक सुट्टीमध्ये बाल श्रामनेर शिबीर घेऊन बौद्ध धम्म प्रचार प्रसार कुटूंबापर्यंत पोहचविणार -ऍड डॉ एस के भंडारे

मुंबई : डॉ बाबासाहेब आबेडकर यांनी 1915 पासून विषमतेविरुद्धच्या कामाला सुरुवात केली, त्यांनी 1927 ला चावदार तळे सत्यागृह , मनुस्मृती दहन, बहिष्कृत भारत आणि समता सैनिक दल यामार्फत समता प्रस्थापित केली, त्याला 100 वर्षे होत आहेत आणि 1956 रोजी हिंदू धर्माचा त्याग करून बौद्ध धर्मांतर केले, त्याला 70 वर्षे झाली तरी आपण धम्माचा प्रचार -प्रसार गाव खेड्यापर्यंत पोहचविण्यात अपुरे पडलो त्यामुळे आता डॉ भीमराव यशवंतराव आंबेडकर यांच्या नेतृत्वाखाली मिशन :25 अंतर्गत प्रत्येक सुट्टीमध्ये देशभर बाल श्रामनेर शिबीर कार्यक्रम राबून बौद्ध धम्माचा प्रचार -प्रसार प्रत्येक कुटूंबापर्यंत पोहचविणार असल्याचे प्रतिपादन दि बुद्धिस्ट सोसायटी ऑफ इंडियाचे ट्रस्टी, राष्ट्रीय उपाध्यक्ष व केंद्रीय कार्यालय प्रमुख ऍड डॉ एस के भंडारे यांनी मुंबई प्रदेश अंतर्गत झोन क्र 5 च्यावतीने अंगुलीमाल बुद्ध विहार,सुमननगर चेंबूर येथे 5 दिवशीय बाल श्रामनेर शिबिराच्या दि. 11/11/2026 रोजी सायंकाळी समारोपप्रसंगी केले.प्रथम संघांचे संघनायक भन्ते सारिपूत्त, ऍड डॉ भंडारे,जिल्हा अध्यक्ष अनंत जाधव यांच्या हस्ते भगवान बुद्ध चक्रवर्ती सम्राट अशोक,व बोधिसत्व डॉ बाबासाहेब आंबेडकर यांच्या प्रतिमाचे पूजन व दीप प्रज्वलन करण्यात आले. ऍड भंडारे यांनी बाल श्रामानेर यांना श्रामनेर प्रमाणपत्र वाटप केली.या कार्यक्रमास विलास वानखडे ( अध्यक्ष मुंबई प्रदेश ) डॉ विलास ढोबळे ( उपाध्यक्ष ), सुनिल बनसोडे ( सचिव ) इत्यादी प्रमुख पदाधिकारी उपस्थित होते. सूत्रसंचालन झोन 5 सरचिटणीस गणपत चंदनशिवे यांनी केले.या बाल श्रामनेर शिबिरात 22 विदयार्थी सहभागी झाले होते. त्यामुळे सर्व परिसरात बौध्दमय वातावरण निर्माण झाले होते.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत