महिला राजसता आंदोलन महाराष्ट्र यांच्या वतीने मोजे कारी ता. बार्शी जि. सोलापूर येथे दि 12 ऑक्टोबर 2026 रोजी गावशाखा उदघाटन कार्यक्रमाचे आयोजन करण्यात आले.
कार्यक्रमाची सुरुवात राज्य समन्व्यक रत्नमाला ताई वैद्य व सरपंच निलम कदम व गावातील बहुसंख्य महिला यांच्या उपस्थित जि. प. सदस्य डॉ रेश्मा डोके मॅडम यांच्या हस्ते फीत कापून व बोर्डास पुष्पहार अर्पण करून उदघाटन करण्यात आले.
या कार्यक्रमानंतर ग्रामपंचायत सभागृह येथे रत्नमालाताई वैद्य यांनी गावातील महिलांना मार्गदर्शन केले. त्यामध्ये महिलांनी नेतृत्वशील बनावे,गावातील सर्व उपक्रमांमध्ये पुरुषांच्या बरोबरीने महिलांनी सहभाग दर्शवा, महत्वाचे म्हणजे गांव पातळीवरील महिला सक्षम झाल्यास गांव आदर्श होईल.तसेच ग्रामपंचायत स्तरावरील बजेट बाबत माहिती,ग्रामसभा बळकटीकरण, गावात समानता प्रस्थापित करणे याबाबत सविस्तर मार्गदर्शन केले. तसेच डॉ रेश्मा डोके मॅडम यांनी महिला व त्यांचे आरोग्य याबाबत मार्गदर्शन केले. यानंतर सरपंच व गावशाखा अध्यक्ष निलम कदम यांनी कारी गावात महिला राजसत्ता आंदोलन चे काम सुरु झाल्यापासून गावातील महिलामध्ये उत्साह व धाडस निर्माण झाले आहे. महिलांचे संघटन मजबूत होत आहे याबाबत माहिती दिली. तसेच उपाध्यक्ष मनीषा गायकवाड सचिव सरस्वती चौधरी, कोषाध्यक्ष कलिमा मुलाणी यांनी आपले मत व्यक्त केले. यावेळी गावातील शाखा सदस्य अंजुम सय्यद, स्वाती जोगदंड, सुवर्णा व्हटकर, राधा गंभीर, सारिका सारंग,जयश्री बोधले, विजेता खरंगुळे, इत्यादी महिला उपस्थित होत्या कार्यक्रमाचे प्रास्ताविक शारदा गायकवाड व सूत्र संचलन सुवर्णा पंढरे यांनी केले. आभार प्रदर्शन कलिमा मुलाणी यांनी केले. हा कार्यक्रम यशस्वी करण्यासाठी महिला राजसत्ता आंदोलन बार्शी तालुका कार्यकर्त्यां सुवर्णा पंढरे, शारदा गायकवाड व महिला पदाधिकारी व सदस्य यांनी परिश्रम घेतले.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत