तरुणांना धम्म समजण्यासाठी नव्या पद्धतीने मांडणी करावी – आदरणीय दर्शनाताई भीमराव आंबेडकर

“दिवाळी – दीपोत्सवबाबत” भारतीय बौध्द महासभा विचारमंथन करणार !

मुंबई : नियमितपणे कार्यक्रम राबविले तर धम्म समजेल आणि तरुणांना धम्म समजण्यासाठी आताच्या नव्या पद्धतीने मांडणी करावी असा सल्ला भारतीय बौद्ध महासभेला देऊन महिलांनी वर्षावास कार्यक्रम राबविल्याबद्दल, डॉ बाबासाहेब आंबेडकर यांच्या नातसून आद.दर्शनाताई भीमराव आंबेडकर यांनी भारतीय बौद्ध महासभा, महात्मा फुले नगर नंबर 1,पी एल लोखंडे मार्ग, चेंबूर, मुबंई शाखेच्यावतीने दिनांक 12/11/2026 रोजी वर्षावास प्रवचन मालिकेच्या समारोप कार्यक्रमात प्रमुख मार्गदर्शक म्हणून शुभेच्छा दिल्या. आद.दर्शनाताई आंबेडकर यांच्या हस्ते वर्षावास प्रवचन मालिका यशस्वी करण्यासाठी धम्मदान दिलेल्या सर्वांचे सत्कार करण्यात आला. या प्रसंगी मार्गदर्शक म्हणून दि बुद्धिस्ट सोसायटी ऑफ इंडिया (भारतीय बौद्ध महासभा) चे ट्रस्टी / राष्ट्रीय उपाध्यक्ष व केंद्रीय कार्यालय प्रमुख ऍड डॉ एस के भंडारे यांनी असे प्रतिपादन केले की,डॉ बाबासाहेब आंबेडकर यांनी समतेची क्रांती कशी केली व त्या क्रांतीला 2027 साली 100 वर्ष होत असून सुद्धा समतेचे विरोधक व विषमतेचे समर्थक केंद्रात व विविध राज्यात सत्तेत आले असल्यामुळे संविधानने दिलेले समतेचे अधिकार काढून घेत आहेत, खासजागीकरण /कंत्राटीकारण मुळे तरुण सरकारी नोकऱ्या पासून वंचित झाले आहेत, पुढचा काळ अत्यंत कठीण होणार आहे त्यामुळे मिशन : 25 नुसार आता संविधान समर्थकाना एकत्र करून संविधान विरोधकांना सत्तेपासून दूर ठेवण्यासाठी काम करावे लागेल. तसेच ऍड डॉ भंडारे पुढे असे म्हणाले की, आज काहीजण दिपदानोत्सव म्हणून दिवाळी साजरी करत आहेत, डॉ बाबासाहेब आंबेडकर यांनी हिंदूंचे सन साजरे करून नयेत म्हणून समाजाचे ठराव घेतले आहेत, जसे संस्थेने विधितील पाच फळे, दोरा इत्यादी काढून टाकले त्यानुसार दिवाळी – दीपोत्सवबाबतविचारमंथन करून येणाऱ्या राष्ट्रीय अधिवेशनात निर्णय घेऊन समाजातील संभ्रम दूर केला जाईल आणि समतेच्या शताब्दी निमित्त मुंबई च्या शिवाजी पार्क मैदानावर समता सैनिक दलाच्या एक लाख सैनिकांचे अधिवेशन ऍड बाळासाहेब आंबेडकर,डॉ भीमराव आंबेडकर यांच्या नेतृत्वाखाली घेण्यात येणार असून त्यावेळी 45 वर्षे धम्म चळवळ व समता सैनिक दल गतिमान केल्याबद्दल नागरी सत्कार करण्यात येणार आहे. यावेळी राष्ट्रीय सचिव भिकाजी कांबळे, मुंबई प्रदेश अध्यक्षा चंदाताई कासले, मुबंईप्रदेश उपाध्यक्ष सुषमाताई कसबे, झोन 5 चे अध्यक्ष अनंत जाधव इत्यादीनी वर्षावास समाप्ती निमित्त शुभेच्छा दिल्या. कार्यक्रमाच्या अध्यक्षस्थानी फुलेनगर शाखा अध्यक्ष उषाताई गायकवाड गायकवाड होत्या. सूत्रसंचालन सरचिटणीस मनीषाताई साळवे यांनी केले. या कार्यक्रमास चेंबूर व कुर्ला परिसरातील विविध शाखा पदाधिकारी, मुंबई प्रदेश व झोन 5 चे पदाधिकारी व विभागातील महिला मोठया संख्येने उपस्थित होत्या.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत