महाराष्ट्रमुख्यपानवातावरणसामाजिक / सांस्कृतिक

मुख्यमंत्री यांचा निषेध करून रोहित पठारे याला न्याय देण्यासाठी डॉ भीमराव आंबेडकर यांनी केल्या तीन मागण्या

वैजापूर : रोहित पाठरे याच्या अमानुष हत्येची माहिती मिळाल्यानंतर दि. 15/11/2026 रोजी सायंकाळी वैजापूर येथे डॉ बाबासाहेब आंबेडकर यांचे नातू डॉ भीमराव यशवंतराव आंबेडकर ( ट्रस्टी / राष्ट्रीय कार्याध्यक्ष,दि बुद्धिस्ट सोसायटी ऑफ इंडिया तथा भारतीय बौद्ध महासभा व राष्ट्रीय अध्यक्ष, समता सैनिक दल ) त्यांनी पठारे कुटुंबीयांची भेट घेऊन सांत्वन केले. तसेच वैजापूर पोलीस स्टेशनला भेट देऊन संबंधित पोलीस अधिकाऱ्यांशी चर्चा केली आणि संभाजीनगरचे पोलीस अधीक्षक प्रकाश जाधव यांच्याशी दूरध्वनीवरून संवाद साधला असता,या प्रकरणातील 25 आरोपींना अटक करण्यात आल्याची माहिती पोलीस अधीक्षकांनी दिली. मात्र, पीडित कुटुंबाला लवकरात लवकर न्याय मिळण्यासाठी त्यांच्याकडे पुढील प्रमुख मागण्या केल्या- 1.या प्रकरणाची सुनावणी फास्ट ट्रॅक न्यायालयात चालवावी. 2.सध्या स्थापन केलेल्या विशेष SIT मधील भागवत खुंडे आणि प्रदीप भिवसेने या दोन पोलीस अधिकाऱ्यांना बदलून त्यांच्या जागी नवीन अधिकाऱ्यांची नियुक्ती करावी.
3.विशेष सरकारी वकिलांची (Special PP) नियुक्ती करावी.

या अन्यायामुळे व अमानुष हत्या झाल्याने मुख्यमंत्री यांचा निषेध केला आणि येत्या 22 नोव्हेंबर रोजी समृद्धी महामार्गावर होणाऱ्या रास्ता रोको आंदोलनाला भारतीय बौद्ध महासभा आणि समता सैनिक दलाचा पूर्ण पाठिंबा असून, दोन्ही संघटना या आंदोलनात सहभागी होतील. हे आंदोलन शांततेच्या आणि संविधानिक मार्गाने केले जाईल. या रोहित पठारे केस मध्ये आवश्यक कायदेशीर मार्गदर्शन आणि वकिलांची मदतही उपलब्ध करून देण्यात येईल, असे डॉ भीमराव आंबेडकर यांनी भेटीनंतर पत्रकारांना व उपस्थित सकल आंबेडकरी समाज बांधवाना सांगितले.

रोहित पठारे आणि त्यांच्या कुटुंबीयांना न्याय मिळवून देण्यासाठी संपूर्ण आंबेडकरी समाज त्यांच्या पाठीशी खंबीरपणे उभा आहे. पीडित कुटुंबाला न्याय मिळेपर्यंत आमचा लढा सुरू राहील असे उपस्थित सकल आंबेडकारी समाज बांधवानी सांगितले.

यावेळी संस्थेचे ट्रस्टी /राष्ट्रीय उपाध्यक्ष व समता सैनिक दलाचे स्टाफ ऑफिसर ऍड डॉ एस के भंडारे,ट्रस्टी डॉ राजाराम बडगे,राज्य अध्यक्ष यु.जी बोराडे, राज्य संघटक गौरव पवार,राज्य संघटक व दलाचे मेजर जनरल किशोर जोहरे, अहिल्यानगर जिल्हाध्यक्ष शांताराम रणशूर, सरचिटणीस नरेश पवार, उपाध्यक्ष गौतम पगारे,दलाचे अतिष त्रिभुवन, संभाजीनगर महानगर जिल्हा अध्यक्ष रमेश बनसोडे, संभाजीनगर पश्चिम जिल्हा अध्यक्ष सुनिल वंजारी, समता सैनिक दलाचे अनिल राऊत आणि जयवंत गायकवाड, पत्रकार आबासाहेब कसबे, कवी गायक विजय मोकळे, सरपंच पडवळ इत्यादी अन्य विविध संघटनेचे पदाधिकारी व वैजापूर येथील ग्रामस्थ, बौद्ध बांधव व संस्थेचे पदाधिकारी, कार्यकर्ते उपस्थित होते.

JusticeForRohitPathare #JusticeForVictims #AmbedkariteMovement #SamataSainikDal #JaiBhim

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत

Related Articles

Leave a Reply

Your email address will not be published. Required fields are marked *

Back to top button
error: कृपया बातमी share करा Copy नको !!