26 नोव्हेंबर “संविधान दिना” निमित्ताने सर्वांना हार्दिक शुभेच्छा.!
शोभलास तु , शिष्य ज्योतीबाचा ,
केलास अंगीकार तु, कबीर वचनांचा,
केलास उद्धार कोटी कोटींचा,
दाखवून मार्ग तथागतांचा .!
होते ठोकरलेले, अन पिचलेले,
भेदरलेले, अन कातावलेले,
समाजाच्या धुतकाराने,
तुझ्या जन्मा आधी भीमा,
नव्हती नरकमय, जगण्याला सीमा.!
किती विखुरले काटे तुझ्या मार्गात,
प्रवेशताना संविधान सभेत,
केली मंडलने करामत,
दिला बंगालचा हात हातात,
असता गनिम गर्वाच्या भ्रमात.!
नाही सहन झाले जातांध्याना,
अडकला घास गिळताना,
केली हिकमत दुर्जनांनी भारी,
लावली शक्ति पणाला सारी,
अवचित येता लक्ष्य टापूत,फाळणीचे दारी.!
दिले पाकिस्तानला, बंगालचे जिल्हे चार,
मोडूनी नियम फाळणीचे आरपार,
झाली कलुषित मने, समाधानाने थंडगार,
रद्द होताच सदस्यत्व, संविधान सभेचे,
बुडले दुःखात भीमराया, अपरंपार.!
जिगरबाज होता, नव्हता लेचापेचा, सराव होता, अडथळ्यांच्या शर्यतीचा,
केला बहिष्कार संविधान सभेचा,
झाला जीव कासावीस इंग्रजांचा,
कारण तो एकमेव प्रतिनिधी होता,
उपेक्षितांचा, विस्थापितांचा,
देशातील तमाम गोर गरिबांचा .!
केली जागा मोकळी, त्याच्याचसाठी फक्त,
संविधानाचे काम दिन रात करुन, आटवले त्याने रक्त,
करन्या विस्थापितांना प्रस्थापित,
ठेवल्या राखीव जागा रिक्त,
महिलांच्या उत्थानासाठी नियम केले सक्त.!
म्हणुनच शोभलास,
शिष्य तु ज्योतिबाचा ,
केलास अंगीकार तु, कबीर वचनांचा,
केलास उद्धार कोटी कोटींचा,
देवूनी मार्ग तथागतांचा .!
जयभीम.
अरुण निकम,
9323249487.
मुंबई.
दिनांक…26/11/2025.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
