रुबाब असा, भासे राजा जसा,
सुटाबुटात भीमराया कसा,
चेहरा करारी, उत्कर्षाचे समोर बोट,
जणू सांगतोय, घ्या प्रगतीची झेप,
गगनभेदी थेट.!
अडकतो घास गळ्यात,
पाहून प्रगती दिन दुबळ्यांची,
नाही बघवत उन्नती वंचितांची,
पण जरब असे,
संविधानातील कायद्याची,
म्हणुन मुर्दाड करीती,
विटंबना पुतळ्यांची.!
करू देत विटंबना,
मोडतोड, कितीही पुतळ्यांची, तसबिरिंची अथवा,
संविधानाच्या प्रतिकृतीची,
ठाऊक नसे गर्दभांना,
असे केल्याने नाही बदलत,
आचार, विचार अन खोलवर
मुरलेली जाणीव हक्कांची,
मजबूत भिंत संविधानाची.!
तुम्ही आरक्षणार्थी ,
फक्त गड शाबूत ठेवा, एकोप्याचा,
ओळखा कावा,
आपसात कलागत लावण्याचा,
फोडा आणि झोडा,
राजकारण करण्याचा.!
सजग राहून अंमलबजावणीवर,
ठेवा करडी नजर,
लक्षात येता गैरवापर,
पेटवा विरोधाच्या मशाली घरोघरी,
घाबरू नका, दिलीत कवच कुंडले,
संविधानात जगात न्यारी.!
घाबरू नका, दिलीत कवच कुंडले,
संविधानात जगात न्यारी.!!
घाबरू नका, दिलीत कवच कुंडले,
संविधानात जगात न्यारी.!!!
अरुण निकम.
9323249487.
मुंबई.
दिनांक…07/10/2026
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
