परिवत्तन मिशन फाउंडेशन तर्फे सुरू करण्यात आलेल्या ‘शिक्षण परिवर्तन यात्रेचे’ बारुळमध्ये उत्साहात स्वागत

एक लाख विद्यार्थ्यांना मार्गदर्शनाचा संकल्प

काक्रंबा- 10.10.2026: ‘शिक्षण परिवर्तन यात्रे’ चे बुधवार, बारुळ येथे उत्साहात स्वागत करण्यात आले. यात्रेप्रसंगी संस्थेचे संस्थापक किशोर भगत यांनी विद्यार्थ्यांना भविष्यतील विविध शैक्षणिक वाटा व संधींबाबत सखोल मार्गदर्शन केले.

ग्रामीण भागातील विद्यार्थ्यांना उच्च शिक्षण, कौशल्य विकास आणि आंतरराष्ट्रीय स्पर्धांची ओळख करून देण्यासाठी परिवर्तन मिशन फाउंडेशनतर्फे सुरू करण्यात आलेल्या या उपक्रमादरम्यान तज्ज्ञांनी उच्च शिक्षणातील नवनवीन पर्याय, कौशल्याधारित शिक्षण, स्पर्धा परीक्षांचे नियोजन, केंद्र व राज्य सरकारच्या शिष्यवृत्ती योजना आणि देश-परदेशातील नामांकित विद्यापीठांमधील प्रवेश प्रक्रियेची माहिती दिली.

पारंपरिक शिक्षणासोबतच बदलत्या काळानुसार विद्यार्थ्यांनी कौशल्यात्मक विकास करण्यावर विशेष भर देण्यात आला. ही यात्रा धाराशिव जिल्ह्यातील आठ तालुक्यांतील गावांमध्ये पोहोचणार असून, एक लाख विद्यार्थ्यांना सक्षम व मार्गदर्शित करण्याचा संकल्प करण्यात आला आहे. यामुळे विद्यार्थी व पालकांमध्ये नवा आत्मविश्वास निर्माण झाला आहे.

या उपक्रमासाठी माजी प्राचार्य सुरेश ठोंबरे, उपाध्यक्ष फिरोज पठाण, गणेश ठोंबरे, रोहिणी सगर, स्वाती सुपनार, ग्रामसेवक प्रशांत भोसले, मुख्याध्यापक राजेंद्र हजारे, सौदागर शेख, शिक्षक राजकुमार मरसे, बालाजी पवार, सचिन राऊत, पोपट पोपट, रूपाली गोडके, कल्पना चव्हाण, शितल बागमारे, लाखाडे सर व नाईक सर यांचे महत्त्वपूर्ण सहकार्य लाभले.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत