संकल्प दिनी डॉ भीमराव यशवंत आंबेडकर यांच्या नेतृत्वात महारॅली संपन्न

बडोदा ( दि. 23/9/2026) भीम संकल्प दिनानिमित्त गुजरातमधील वडोदरा येथे आयोजित भव्य महारॅलीचे डॉ भीमराव यशवंत आंबेडकर साहेबांनी नेतृत्व केले.
डॉ बाबासाहेब आंबेडकर सयाजीराव गायकवाड महाराज यांच्या ऑफिस मध्ये काम केले ते स्मृती भवन ( कोठी )येथे डॉ बाबासाहेब आबेडकर यांचे नातू डॉ भीमराव य आंबेडकर( ट्रस्टी /राष्ट्रीय कार्याध्यक्ष व राष्ट्रीय अध्यक्ष, समता सैनिक दल ) यांच्या प्रमुख नेतृत्वाखाली आणि ऍड एस के भंडारे ( ट्रस्टी / राष्ट्रीय उपाध्यक्ष व स्टाफ ऑफिसर, समता सैनिक दल ) बी एच गायकवाड गुरुजी ( राष्ट्रीय सचिव, गुजरात प्रभारी ) यांच्या मार्गदर्शनात समता सैनिक दल यांनी डॉ बाबासाहेब आंबेडकर यांना मानवंदना देऊन स्मृती भवन-चार रस्ता – सयाजी बाग ते संकल्प भूमी अशी ही महारॅली काढण्यात आली.या महारॅलीचे आयोजन बुद्धिस्ट सोसायटी ऑफ इंडिया (भारतीय बौद्ध महासभा) बडोदाजिल्हा शाखा च्यावतीने करण्यात आले होते.

डॉ. बाबासाहेब आंबेडकर जेव्हा विलायतेतून शिक्षण घेऊन भारतात परतले, तेव्हा महाराजा सयाजीराव गायकवाड यांनी बाबासाहेबांना केलेली आर्थिक मदत त्यांच्या येथे नोकरी करून परतफेड करण्यासाठी नुसार मिलिटरी सेक्रेटरी म्हणून बडोदा संस्थान मध्ये नोकरीत रुजू झाले.मात्र, येथे 11 दिवस राहिल्यानंतर तेथील मनुवादी आणि अस्पृश्यतेची मानसिकता असलेल्या लोकांनी त्यांना तेथे राहू दिले नाही, जेवण दिले नाही आणि भाड्याच्या खोलीतूनही बाहेर काढले. तो दिवस 23 सप्टेंबर 1917 होता.
डॉ बाबासाहेबांना घरातून बाहेर काढल्यानंतर ते ज्या ठिकाणी बसले होते, त्या ठिकाणी त्यांनी समाजाला या अस्पृश्यतेतुन बाहेर काढण्याचा संकल्प केला. त्याठिकाणी स्मारक केले आहे. या संकल्प भूमीवर डॉ भीमराव य आंबेडकर, ऍड डॉ एस के भंडारे, बी एच गायकवाड प्रकाश सोमकुवर, विशाल कांबळे आणि समता सैनिक दल अधिकारी रमेश वाघमारे, ऍड वंदना सावंत, बाळासाहेब आठवले,मधुकर हिवराळे, हिरामण पगारे, रागिणीताई पवार, स्वातीताई शिंदे,शोभाताई कांबळे ,छगन सुरवाडे, विजय झनके इत्यादी व शेकडो सैनिक, कार्यकर्ते इत्यादीनी मानवंदना दिली.त्यानंतर संकल्प भूमीवरील संकल्प भूमी समितीच्या जाहीर सभेत डॉ भीमराव य आंबेडकर यांनी मार्गदर्शन केले. दरवर्षी 23 सप्टेंबर हा दिवस भीम संकल्प दिन म्हणून साजरा करण्यात येतो.या ऐतिहासिक संकल्पाचे स्मरण करत आयोजित करण्यात आलेल्या महारॅलीत भिकखू संघ,समता सैनिक दलाचे प्रामुख्याने ठाणे, नवी मुंबई, मुंबई प्रदेश, पुणे,जळगाव बटालियनचे सैनिक अधिकारी व भारतीय बौध्द महासभा पदाधिकारी, त्याचबरोबर पुरुष व महिला पदाधिकारी, कार्यकर्ते मोठया प्रमाणात सहभागी होऊन डॉ बाबासाहेबांचे विचार आणि त्यांचा संघर्ष पुढे नेण्याचा संकल्प पुन्हा दृढ केला. या महारॅलीचे आयोजन बडोदा जिल्हा व गुजरात दक्षिण राज्य शाखा अध्यक्ष प्रकाश सोमकुवर व सरचिटणीस विशाल कांबळे यांनी केले होते.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत