नळदुर्ग शहराच्या विकासासाठी पत्रकारांचे योगदान महत्वाचे…

मुख्याधिकारी लक्ष्मण कुंभार यांनी केले पत्रकारांचे कौतुक…

नळदुर्ग
दादासाहेब बनसोडे

नळदुर्ग शहरांतील पत्रकाराचे योगदान खूप महत्वाचे ठरले आसुन शहराच्या विकासासाठी नगरपालिका प्रशासनाला सहकार्य केले आहे. यापुढील काळातही पत्रकारांनी सहकार्याची भावना कायम ठेवावी असे नगरपालिकेचे मुख्याधिकारी लक्ष्मण कुंभार यांनी नळदुर्ग शहर पत्रकार संघाने काढलेल्या वार्षिक दिनदर्शिका २०२४ या दिनदर्शिकेचे प्रकाशन करतांना पत्रकरांचे कौतुक केले .
नळदुर्ग शहर पत्रकार संघ गेल्या २० वर्षांपासुन वार्षिक दिनदर्शिका काढुन ती नागरीकांना मोफत वाटप करण्याचा उपक्रम राबवित आहे. पत्रकार संघाच्या या उपक्रमाचे सर्वांनीच कौतुक केले आहे. या दिनदर्शिकेचे विशेष म्हणजे या दिनदर्शिकेत संपुर्ण धाराशिव जिल्ह्यातील सर्व धर्मियांचे सण, उत्सव, उरूस यांची माहिती आहे जे इतर दिनदर्शिकेमध्ये नाही त्यामुळे दरवर्षी नागरीक नळदुर्ग शहर पत्रकार संघाच्या दिनदर्शिकेचे आतुरतेने वाट पाहतात.
दि.१८ जानेवारी रोजी नळदुर्ग शहर पत्रकार संघाने काढलेल्या वार्षिक दिनदर्शिका २०२४ या दिनदर्शिकेचे प्रकाशन नगरपालिकेचे मुख्याधिकारी लक्ष्मण कुंभार यांच्या हस्ते करण्यात आले. यावेळी माजी नगराध्यक्ष उदय जगदाळे, माजी नगरसेवक सुधीर हजारे, विकास सोसायटीचे संचालक रघुनाथ नागणे, सामाजिक कार्यकर्ते संजय विठ्ठल जाधव, पत्रकार मित्र अमर भाळे, शिवसेनेचे बंडप्पा कसेकर यांच्यासह नगरपालिकेचे कर्मचारी शहाजी येडगे, खंडू नागणे, वाल्मीक खारवे आदीजन उपस्थित होते.
या कार्यक्रमात नळदुर्ग शहरासाठी ४६ कोटी रुपये खर्चाची पाणीपुरवठा योजना मंजुर होण्यासाठी शासनाकडे परीपुर्ण अहवाल सादर करून ही योजना मंजुर होण्यात महत्वाची भुमिका बजावणारे नगरपालिकेचे मुख्याधिकारी लक्ष्मण कुंभार यांचा शहर पत्रकार संघाच्या वतीने संघाचे अध्यक्ष सुहास येडगे यांनी सत्कार केला.
यावेळी बोलतांना मुख्याधिकारी लक्ष्मण कुंभार यांनी म्हटले की, नळदुर्ग शहराच्या विकासासाठी आमदार राणा जगजितसिंह पाटील यांनी मोठ्याप्रमाणात निधी उपलब्ध करून दिला आहे त्यामुळे सध्या शहरात मोठ्या प्रमाणात विकास कामे सुरू आहेत येणाऱ्या काळातही अनेक विकास कामे सुरू होणार आहेत असेही मुख्याधिकारी लक्ष्मण कुंभार यांनी म्हटले आहे.
कार्यक्रमाचे सुत्रसंचलन शहर पत्रकार संघाचे सचिव तानाजी जाधव यांनी केले. हा कार्यक्रम यशस्वी होण्यासाठी शहर पत्रकार संघाचे अध्यक्ष सुहास येडगे, सचिव तानाजी जाधव, सदस्य विलास येडगे, उत्तम बनजगोळे, लतिफ शेख, डॉ. दीपक जगदाळे, अमर भाळे यांच्यासह पत्रकार संघाच्या सर्व सदस्यांनी प्रयत्न केले.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत