पुणे महापालिकेच्या हद्दीतील बांधकामांचे नियमन पुणे महापालिकेतर्फे होते. पुण्यालगतच्या गावांमधील बांधकामांवरील नियंत्रण, नियमनाची जबाबदारी पुणे महानगर प्रादेशिक विकास प्राधिकरणाची आहे. बांधकाम परवाना विभाग पुणे महापालिकेला सर्वाधिक उत्पन्न मिळवून देणाऱ्या विभागांपैकी एक आहे. एक एप्रिल २२ ते ३१ मार्च २३ या आर्थिक वर्षात पालिकेने नव्या, सुधारित व अन्य अशा एकूण ३,२८७ गृहप्रकल्पांना मान्यता दिली. त्यातून पालिकेला १,६३६ कोटी रुपये महसूल मिळाला. चालू आर्थिक वर्षात आतापर्यंत पालिकेने १,१२९ प्रकल्पांना मान्यता दिली असून, त्यातून १,१९० कोटी रुपयांचा महसूल जमा झाला आहे. मात्र, मोठे प्रकल्प पूर्ण होण्यास तीन ते चार वर्षांचा कालावधी लागतो. असा विचार करता शहरात सध्या सुमारे साडेपाच हजार गृहप्रकल्पांचे काम सुरू असण्याची शक्यता आहे. या प्रकल्पातून उडणारी धूळ, धूर आणि अन्य घटक प्रदूषणात भर घालत आहेत.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
