“सेवा निवृत्तांच्या पुनर्भेट संमेलना निमित्त.!”
” सेवा निवृत्तीनंतरची गाठभेट “
हुरहुर संपली, प्रतीक्षा सरली,
दिवस उजाडला भेटीचा,
जिवाच्या जीवलगांशी,
पुन्हा एकवार यथेच्छ,
हितगुज करण्याचा,
पुन्हा आठवणी चाळण्याचा,
मनसोक्त गप्पा मारण्याचा.!
असे ते मैत्र मनाचं,
नातं स्वतःचं,
मन मोकळं करण्याचं,
अन सुख,
दुःखात सामील होण्याचं.!
एक दुजा सहकार्याने फुलला,
काळ उमेदीचा सरला,
करवदलो, शब्दाशब्दी झाली,
एकमेकांवर डाफरलो,
पण दुपारच्या जेवणाला,
एका डब्यात, खायला बसलो,.!
निवृत्तीचा भेसूर चेहरा दिसला,
तरतुदीचा घाव वर्मी बसला,
पण नियत वयोमानानुसार,
निवृत्तीचा प्रसंग कुणाला टळला?.!
सेवा निवृत्त होऊन,
बराच काळ लोटलाय,
ठरवलं कैकदा ठरवलं भेटायचं,
पण संसाराच्या धबडग्यात,
कायम फिसकटायचं.!
घेऊन मनावर,
घेतली जबाबदारी,
सहकार्यांनी शिरावर,
गोतावळा जुना,
जमवण्याचा बेत आखला,
क्षण पकडला, दिवस ठरवला,
अखेर आज पळ, तो उगवला.!
चला, भेटूयात,
क्षण मिलनाचे,
मनात साठवून घेऊयात,
वय झालंय, गात्र थिजलीत,
कुणास ठाऊक,
पुन्हा भेट होते की नाही ?
कुणास ठाऊक,
पुन्हा भेट होते की नाही ?
कुणास ठाऊक,
पुन्हा भेट होते की नाही ?
अरुण निकम,
9423249487.
मुंबई.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
