श्रीमती सुहासिनी सोमकुवर यांचा “आयकॉनिक वुमन ऑफ इंडिया-२०२६” या राष्ट्रीय पुरस्काराने गौरव

खारघर, नवी मुंबई येथील श्रीमती सुहासिनी जागेश सोमकुवर यांना ९ मे २०२६ रोजी नवी दिल्लीतील एनडीएमसी कन्व्हेन्शन सेंटर येथे आयोजित भव्य सोहळ्यात प्रतिष्ठित “आयकॉनिक वुमन ऑफ इंडिया-२०२६” या राष्ट्रीय पुरस्काराने सन्मानित करण्यात आले.

सामाजिक, शैक्षणिक, महिला सक्षमीकरण, कला आणि सांस्कृतिक क्षेत्रातील त्यांच्या उल्लेखनीय योगदानाची दखल घेत त्यांना हा मानाचा पुरस्कार प्रदान करण्यात आला.

भारताच्या ३१ राज्ये आणि केंद्रशासित प्रदेशांमधून सहभागी झालेल्या शेकडो स्पर्धकांमधून पार पडलेल्या कठोर राष्ट्रीय निवड प्रक्रियेनंतर १०० कर्तृत्ववान आणि प्रतिभावान महिलांची निवड करण्यात आली, ज्यामध्ये सुहासिनी यांनी आपले मानाचे स्थान निर्माण केले. प्रसिद्ध बॉलिवूड अभिनेत्री रितू शिवपुरी यांच्या हस्ते देशातील या कर्तबगार महिलांचा गौरव करण्यात आला.

यापूर्वीही सुहासिनी यांनी “डॅझल मिसेस इंडिया युनिव्हर्स २०२४” स्पर्धेत प्रथम उपविजेतेपद मिळवत “मिसेस महाराष्ट्र” हा किताब पटकावला होता.

त्यांनी साकारलेली राजमाता जिजाऊ यांची भूमिका प्रभावी आणि भावपूर्ण सादरीकरणामुळे समाजमाध्यमांवर मोठ्या प्रमाणात लोकप्रिय ठरली होती.

आपले पती इंजी. जागेश सोमकुवर यांच्या समवेत समाजकार्य करत, सामाजिक बांधिलकी आणि प्रेरणादायी कार्यातून त्या आज महाराष्ट्रासह देशभरातील महिलांना आत्मविश्वास, धैर्य आणि जिद्दीने पुढे जाण्याची प्रेरणा देत आहेत.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत