आटपाडीतील ऐतिहासिक धम्मकार्याचा ठाण्यात गौरव; ऍड. डॉ. डी. एस. सावंत यांचा मान्यवरांच्या हस्ते सन्मानठाणे:
सांगली जिल्ह्यातील आटपाडी तालुक्यातील कौठुळी येथे डॉ बाबासाहेब आंबेडकर यांचे नातू डॉ भीमरावजी यशवंतरावजी आंबेडकर यांच्या हस्ते नुकताच ‘माणदेश मैत्रेय बुद्ध विहार’ उद्घाटन सोहळा अत्यंत उत्साहात आणि ऐतिहासिक स्वरूपात संपन्न झाला. या सोहळ्यासाठी महाराष्ट्रभरातून हजारो धम्मबांधवांनी उपस्थिती दर्शवून हा कार्यक्रम यशस्वी केला होता. याच उपस्थितीबद्दल कृतज्ञता व्यक्त करण्यासाठी आणि आलेल्या पाहुण्यांचा स्नेहपूर्वक सन्मान करण्यासाठी ऍड. डॉ. डी. एस. सावंत यांच्या वतीने ठाण्यात विशेष ‘कृतज्ञता सोहळ्या’चे आयोजन करण्यात आले होते. हा सोहळा ठाणे (पश्चिम) येथील जी.जी. एज्युकेशन ऑफ पॅरामेडिकल सायन्स येथे मोठ्या उत्साहात पार पडला.
कौठुळी येथील विहाराच्या उभारणीत आणि उद्घाटन सोहळ्याच्या यशस्वीतेत डॉ. डी. एस. सावंत यांचा सिंहाचा वाटा आहे. त्यांच्या या निस्पृह धम्मकार्याचा गौरव करण्यासाठी आयोजित या सोहळ्याला सामाजिक आणि सांस्कृतिक क्षेत्रातील दिग्गजांची उपस्थिती लाभली होती. सुप्रसिद्ध शाहिरा सीमाताई पाटील, जॉली मोरे, डॉ. बी. एस. जाधव, डॉ. तेजस्विनी गौतमजी गोसावी, डॉ गौतम गोसावी, डॉ. संजीव कुमार कांबळे, आबासाहेब चासकर, व्ही जी सकपाळ, जयवंत हिरे, जे जी यादव एडवोकेट अनुराग आहेर
आनंद सिंग, प्रल्हाद मगरे, विमलताई सातपुते, बीजी केदारे, भीमराव शिरसाट ,बचाराम सर्वगोड, विजय सडके, कांतीलाल ढेरे, राजू वाडते, विष्णू गाडे, पत्रकार नाना खैरे आणि इतर अनेक मान्यवरांच्या हस्ते डॉ. सावंत यांचा विशेष सत्कार करण्यात आला.
याप्रसंगी बोलताना डॉ. सावंत भावूक झाले. ते म्हणाले की, “आपल्या सर्वांच्या उपस्थितीमुळेच विहाराच्या उद्घाटनाचा सोहळा भव्य झाला. हे यश माझे एकट्याचे नसून सर्व धम्मबांधवांच्या श्रद्धेचे प्रतीक आहे. या स्नेहाची परतफेड म्हणून आणि ऋण व्यक्त करण्यासाठीच या छोटेखानी सन्मान सोहळ्याचे आयोजन करण्यात आले आहे.”
उपस्थित मान्यवरांनी आपल्या मनोगतात डॉ. सावंत यांच्या सामाजिक बांधिलकीचे आणि धम्म प्रसाराच्या कार्याचे भरभरून कौतुक केले. कौठुळीतील हा विहार येणाऱ्या पिढ्यांसाठी संस्कारांचे आणि समतेचे केंद्र ठरेल, असा विश्वासही यावेळी मान्यवरांनी व्यक्त केला. या कृतज्ञता सोहळ्याला ठाणे आणि परिसरातील धम्मबांधव मोठ्या संख्येने उपस्थित होते.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
