डॉ.प्रतिभा जाधव यांच्या पाच पुस्तकांचे प्रकाशन संपन्न
नाशिक- सुप्रसिद्ध साहित्यिक,वक्ता, एकपात्री नाट्यकलाकार डॉ.प्रतिभा जाधव यांच्या एकूण पाच संपादित पुस्तकाचा प्रकाशन सोहळा नुकताच संपन्न झाला. नूतन विद्या प्रसारक मंडळाचे कला, वाणिज्य व विज्ञान महाविद्यालय, लासलगाव ह्या संस्थेचे सेक्रेटरी मा.गोविंदराव होळकर, कॅप्टन नीलकंठ खोंड, प्राचार्य डॉ.आदिनाथ मोरे, संस्थेचे सर्व मान्यवर संचालक मंडळ यांचे शुभहस्ते सोमवार दि. २६/१/२०२६ रोजी पुस्तक प्रकाशन झाले. सदर संपादित पुस्तकांचे शीर्षक माझा जीवनप्रवास, माझी जडणघडण, माझा शिक्षणप्रवास, मी अशी घडले, आठवणींच्या प्रदेशात व मी असा घडलो अशी आहेत. ह्या पाच संपादित पुस्तकांमध्ये महाराष्ट्रभरातील विविध क्षेत्रांत उल्लेखनीय कार्य करणाऱ्या व्यक्तींनी लेखन केलेले असून सर्व लेख प्रेरक असे आहेत. यापूर्वी डॉ.प्रतिभा जाधव यांची १५ पुस्तके प्रकाशित आहेत.
यापूर्वी डॉ.प्रतिभा जाधव यांची कथा, कविता, ललित व नाटक ह्या साहित्य प्रकारातील विविध साहित्यकृती प्रकाशित झालेल्या असून त्यांनी अकरा पुस्तकांचे संपादनदेखील केलेले आहे. राज्य व राष्ट्रीय स्तरावरील अनेक पुरस्कारांनी त्यांच्या साहित्यकृतीना गौरविण्यात आले आहे. याप्रसंगी सूत्रसंचालन प्रा.किशोर गोसावी व आभारप्रदर्शन डॉ.अरविंद कांबळे यांनी केले.महाविद्यालयीन परिवार, स्नेही आप्तेष्ट यांनी त्यांचे पुस्तक प्रकाशनानिमित अभिनंदन केले आहे.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
