कर्जत-खोपोलीदरम्यान प्रवास जलदगतीने होण्यासाठी लोकलचा वेग वाढवण्यात येणार ताशी 90 किमी.

कर्जत-खोपोलीदरम्यान प्रवास जलदगतीने होण्यासाठी लोकलचा वेग वाढवण्यात येणार आहे. सध्या ताशी ६० किमी वेगाने धावणारी लोकल लवकरच  ताशी ९० किमीच्या वेगाने धावणार आहे. त्यामुळे प्रवाशांच्या वेळेत बचत होणार आहे.

मध्य रेल्वेने नुकताच हार्बर आणि ट्रान्स हार्बर मार्गावरील लोकलचा वेग वाढवण्याचा निर्णय घेतला आहे. हार्बर मार्गावरील सीएसएमटी – पनवेल आणि ट्रान्स हार्बर ठाणे – वाशी आणि ठाणे – पनवेल मार्गावरील वेगमर्यादा ताशी ८० किमीवरून ताशी १०० ते १०५ किमी करण्यात येणार आहे. त्यामुळे प्रवाशांच्या प्रवासातील १० मिनिटांची बचत होईल. आता मध्य रेल्वेच्या मुख्य मार्गावरील कर्जत – खोपोली मार्गावरील लोकलची वेगमर्यादा ताशी ६० किमीवरून ताशी ९० किमी करण्यात येणार आहे.

वेगमर्यादेत वाढ करण्यासाठी पायाभूत कामे हाती घेण्यात आली आहेत.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत