स्वातंत्र्य दिन आणि महाकावी वामनदादा कर्डक यांचे जयंती चे औचित्य साधून, नाशिक जिल्ह्याच्या वतीनेराज्यस्तरीय स्नेह संमेलन, आणि कवी संमेलन.

कार्यक्रमाचे अध्यक्ष: मुख्य समन्वयक संदेशदादा कर्डक.
कार्याध्यक्ष : सुनंदा साबळे.
स्वागताध्यक्ष : विराज निकम.
सूत्र संचालन: नाशिक जिल्हा समन्वयक सविता केदारे.
प्रास्ताविक: संतोष रायते.
चळवळी विषयी: ऍड. नितीन घोडके.
प्रमुख पाहुणे: साहित्यिक आयु. योगीराज बागुल, माजी शिक्षणाधिकारी आयु. रामचंद्रजी जाधव, उच्च न्यायालय न्यायाधीक्षा आयु. सरोजजी जगताप, सुखदेव एज्युकेशन ट्रस्ट चे सरचिटणीस आयु. संजयजी काळे.
आम्ही भारताचे लोक- आंबेडकरी सांस्कृतिक चळवळ च्या स्वतः च्या एबीएल प्रकाशन-प्रकाशक अंकुश सोनवणे चे उदघाट्न प्रमुख पाहुण्यांच्या हस्ते करण्यात आले.
नाशिक जिल्ह्या समन्वयक सविताताई केदारे यांच्या पुस्तकांचे प्रकाशन सुगावा प्रकाशन, प्रमुख अतिथी साहित्यिक योगीराज बागुल यांच्या हस्ते करण्यात आले.
तसेच चळवळीतील ज्येष्ठ सहकारी डॉ. अविनाश मनवर आणि सुनंदाताई साबळे यांच्या सढळ योगदानबद्दल मान्यवरांच्या हस्ते सत्कार करण्यात आला.
महाराष्ट्राच्या कानाकोपऱ्यातून आलेले ज्येष्ठ कवी, साहित्यिक तसेच कास्ट्राईब संघटनेचे बहुसंख्य पदाधिकारी, महाकावी वामनदादा कर्डक यांचे वंशज परिवार आणि कर्मवीर दादासाहेब गायकवाड यांचे वंशज सहकुटुंब उपस्थित होते.
याप्रसंगी कै. नामदेव बाबुराव जाधव माध्यमिक विद्यालय, चांदवड येथील विद्यार्थी- विद्यार्थिनी यांनी आदिवासी नृत्यकला सादर केली तसेच, सुखदेव एज्युकेशन संस्थेचे माध्यमिक विद्यालय, नाशिक येथील पाच विध्यार्थिनींचा निबंध स्पर्धेतील यशाबद्दल सन्मानचिन्ह देऊन गौरव करण्यात आला.
आम्ही भारताचे लोक -आंबेडकरी सांस्कृतिक चळवळीच्या कवी संमेलनात प्रा. गुणवंत खेबाळे, डॉ.अविनाश मनवर, रत्नदीप जाधव,पप्पू रोडे,दत्ता पाईकराव, अशोक भालेराव, अनिल मनोहर, दत्तू दाणी, रविकांत शार्दुल, बाळाजी चंद्रमोरे,सुरेश बनसोडे, प्रविण जाधव,बबन सरवदे,सालिया नजर शेख, शालिनीताई भालेराव,स्वाती चव्हाण,आदी कवी-कवयित्रींनी एकापेक्षा एक सकस आणि सरस कविता सादर करून उपस्थितांची दाद मिळवून कवी संमेलनाला चार चाँद लावले.
हा कार्यक्रम यशस्वी करण्यासाठी, आयु. गौतम धनवडे, मच्छिन्द्र ढेंगळे, संतोष रायते, पप्पू रोडे, ऍड. प्रियांका गायकवाड, रिता रामटेके, सुषमा रामटेके यांनी अथक परिश्रम घेतले.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत