लासलगाव येथील नूतन विद्या प्रसारक मंडळाचा मराठी विभागाचा स्वागत सोहळा उत्साहात संपन्न

नाशिक- लासलगाव येथील नूतन विद्या प्रसारक मंडळाच्या कला,वाणिज्य व विज्ञान महाविद्यालयातील द्वितीय वर्ष कला मराठी या वर्गातील विद्यार्थ्यांचा स्वागत सोहळा नुकताच उत्साहात संपन्न झाला. तृतीय वर्षाच्या विद्यार्थ्यांनी संपूर्ण कार्यक्रमाचे संयोजन केले. याप्रसंगी उपप्राचार्य प्रा.भूषण हिरे प्रमुख अतिथी म्हणून उपस्थित होते तर डॉ.प्रतिभा जाधव यांनी कार्यक्रमाचे अध्यक्षपद भूषविले. मार्गदर्शन करताना प्रा.भूषण हिरे यांनी मानवी जीवनातील वाचन व बहुश्रुततेचे महत्व विशद करून प्रत्येकात एक राजहंस दडलेला असतो हे सांगताना गदिमांच्या ‘एका तळ्यात होती बदके पिले सुरेख…’ ह्या कवितेचा मार्मिक संदर्भ दिला. ध्येय निश्चित करा, त्यासाठी जिद्द हवी. प्रत्येकात क्षमता असते ती सिद्ध करण्यासाठी संधीचा योग्य वापर करावा. डोळसपणे भवतालाचा अनुभव घ्या.स्मार्ट फोनकडे केवळ मनोरंजन म्हणून न बघता त्याचा अचूक व विधायक वापर करावा. आपल्या शिक्षकांवर विश्वास,श्रद्धा ठेवा. विद्यार्थ्याचे यश व गौरव हाच शिक्षकांसाठी पुरस्कार असतो. आपले भवितव्य आपल्याच हाती असते त्यासाठी आत्मविश्वास, स्वप्नपूर्तीचा ध्यास व ध्येयासक्ती बाळगा. अध्यक्षीय समारोपात डॉ.प्रतिभा जाधव यांनी मराठी विभागाची तेजस्वी परंपरा, मराठी विषय विशेष स्तरावर घेऊन उपलब्ध असलेल्या कारकिर्दीच्या विविध संधी, विविध क्षेत्रात उल्लेखनीय कार्य करणाऱ्या माजी विद्यार्थ्यांची माहिती दिली. स्वतःतील उत्तमाचा शोध घ्या, आपली कौशल्य ओळखून कारकीर्द घडवा असा संदेश दिला. प्रा. प्रांजली ढेरे व प्रा.संदीप ठाकरे यांनीही विद्यार्थ्यांना मार्गदर्शन केले. द्वितीय वर्षाच्या विद्यार्थ्यांनी याप्रसंगी मनोगते व्यक्त केली. याप्रसंगी कु. श्रेया गांजे हिने उत्तम सूत्रसंचालन तर साक्षी देवरे हिने ओघवत्या वाणीत आभारप्रदर्शन केले. कार्यक्रम यशस्वीतेसाठी आदित्य पवार, प्रसाद नाईक, प्रणिता पवार,

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत