चैत्यभूमी मध्ये धर्मांतरित ओबीसी, मातंग, चर्मकार, ढोर, वाल्मिकी इत्यादींच्या विशेष श्रामणेर / बौद्धाचार्यं धम्म प्रशिक्षण शिबिराचे उदघाटन डॉ बाबासाहेब आंबेडकर यांचे पणतू ॲड. अमन आनंदराज आंबेडकर यांच्या हस्ते संपन्न !

——————————————– बौद्ध आणि मातंग या भावा भावामध्ये वाद लावण्याचे काम धर्मांतर व संविधान विरोधी करत आहेत! –ॲड. डॉ. एस के भंडारे.

मुंबई: डॉ बाबासाहेब आंबेडकर यांच्या विचाराने प्रभावित झालेले आणि त्यांनी सांगिल्यानुसार हिंदू धर्मातील चातुर्वणाच्या रूढी परंपरांना तिलांजली देऊन समतेचा बौद्ध धम्म स्वीकारलेल्या महाराष्ट्रातील 20 ओबीसी, मातंग, चर्मकार, ढोर, वाल्मिकी इत्यादी पूर्वाश्रमीच्या धर्मांतरित बौद्ध व काही बौद्ध धम्माचा अभ्यास करण्यासाठी डॉ बाबासाहेब आंबेडकर स्मारक,चैत्यभूमी , दादर येथे दि. 12/5/2026 ते 21/5/2026 या दहा दिवसाच्या श्रामणेर शिबिराचे उद्घाटन डॉ बाबासाहेब आंबेडकर यांचे पणतू अमन आनंदराज आंबेडकर यांच्या हस्ते दिनांक 12/5/2026 रोजी चैत्यभूमी दादर येथे संपन्न झाले . ॲड अमन आनंदराज आंबेडकर यांनी शिबिरात सहभागी झालेल्या धर्मांतरीत बौद्धांचे व त्यांच्यासाठी हे विशेष शिबिर आयोजित केल्याबद्दल दि बुद्धिस्ट सोसायटी ऑफ इंडिया चे अभिनंदन करून, आजच्या परिस्थितीत संविधान वाचविण्यासाठी आपणास सर्वांनी मिळून काम करावे लागेल , असे प्रतिपादन केले. यावेळी संस्थेचे ट्रस्टी/राष्ट्रीय उपाध्यक्ष व केंद्रीय कार्यालय प्रमुख ॲड डॉ एस के भंडारे यांनी उपवर्गीकरण व बौद्ध जनगणना या पार्श्वभूमीवर मातंग, चांभार, ढोर , वाल्मिकी या हिंदू धर्मातील हीन मानलेल्या अस्पृश्य जातीतून बौद्ध धर्मांतरित 20 जणांचे दहा दिवसाचे ऐतिहासिक श्रामणेर बौद्धाचार्य शिबिर घेण्याची संधी दिल्याबद्दल धर्मांतरित अमरसिंह ढाका(सचिव महाराष्ट्र राज्य), डी एस नरसिंगे( राज्य संघटक), लक्ष्मीकांत शिंदे, प्रबुद्ध साठे, श्रावण गायकवाड, महेश निनाळे यांचे व सर्व सहभागी झालेल्या शिबीरार्थींचे अभिनंदन करून महार – मांग हा एकच शब्द असून, डॉ बाबासाहेब आंबेडकर यांनी निर्माण केलेली एससी, एसटी ची यादी ही एकसंघ (होमोजिनियस) आहे व तसे असल्याचे सर्वोच्च न्यायालयाचे मा.न्यायाधीश यांनी सुद्धा म्हटले आहे.विषमतेच्या हिंदू धर्मातून समतेच्या बौद्ध धम्मात येणाऱ्यांची संख्या वाढत असल्याने, त्यांना थोपविण्यासाठी महार- बौद्ध आणि मातंग या भावा भावा मध्ये वाद लावण्याचे काम धर्मांतर विरोधी, संविधान विरोधी करत असून, ते यशस्वी होऊ नयेत व पुढील पिढीला त्याचा त्रास होऊ नये, म्हणून आपण एकत्रित, एकसंघ राहून डॉ. बाबासाहेब आंबेडकर यांची क्रांती गतिमान करावी, असे आवाहन केले. ॲड भंडारे यांनी पुढे असे सांगितले की,महार बौद्ध हा मोठा भाऊ आहे, त्यामुळे आपण लहान भाऊ यांना समजुतीने घ्यावे लागेल आणि जे धर्मांतरित बौद्ध आहेत , ते मोठे भाऊच आहेत, त्यांनी आपली धर्मांतरा पूर्वीची जात सांगायची नाही.

तसेच याप्रसंगी राष्ट्रीय सचिव बी एच गायकवाड गुरुजी, महाराष्ट्र राज्य महिला शाखा अध्यक्ष स्वातीताई शिंदे, मुंबई प्रदेश उपाध्यक्ष व चैत्यभूमी व्यवस्थापक प्रदीप कांबळे इत्यादींनी समयोचित शुभेच्छा दिल्या. त्यानंतर श्रामणेर प्रवज्या पूज्य भंते विशुद्ध बोधी यांनी दिली व ते या शिबिराचे संघनायक असणार आहेत. या शिबीरामध्ये बीड ,जालना, नांदेड, परभणी, नवी मुंबई, रायगड, छत्रपती संभाजीनगर, मुंबई इत्यादी जिल्ह्यातील धर्मांतरीत बौद्ध सहभागी झाले आहेत.यात दोन तरुण मुलेही सहभागी झाले आहेत.उदघाटन कार्यक्रमाच्या अध्यक्षस्थानी केंद्रीय प्रशिक्षण विभाग प्रमुख व राष्ट्रीय सचिव ॲड डॉ एस एस वानखडे होते आणि सूत्रसंचालन केंद्रीय प्रशिक्षण विभागाचे सचिव अनिल मनोहर यांनी केले. या शिबिरात पूर्णवेळ शिक्षक / सह संघनायक म्हणून केंद्रीय शिक्षक व महाराष्ट्र राज्य शाखेचे उपाध्यक्ष (संस्कार) विजय कांबळे हे दहा दिवस चिवर घेऊन हे शिबीर सांभाळणार आहेत. यावेळी राष्ट्रीय उपाध्यक्ष व केंद्रीय महिला विभाग प्रमुख सुषमाताई पवार, केंद्रीय प्रशिक्षण उपप्रमुख एम डी सरोदे गुरुजी, सचिव सुनंदाताई पवार व सागर गांगुर्डे, राष्ट्रीय सचिव डॉ राजेश पवार, महाराष्ट्र राज्य शाखेचे सरचिटणीस अशोक केदारे व कोषाध्यक्ष प्रशांत गडकरी, महाराष्ट्र राज्य महिला शाखा उपाध्यक्षा स्वाती ताई गायकवाड, मुंबई प्रदेशचे अध्यक्ष विलास वानखडे,सरचिटणीस दयानंद बडेकर, कोषाध्यक्ष राजेंद्र सत्वधीर, उपाध्यक्ष तानाजी साबळे, संस्कार सचिव संतोष मठकर, संघटक बबन तायडे, मुंबई प्रदेश महिला शाखा उपाध्यक्ष सुषमा ताई कसबे,सरचिटणीस छाया ताई बनसोडे , ठाणे जिल्हा अध्यक्ष विजय गायकवाड, ठाणे महानगर महिला जिल्हाध्यक्षा मुजमुले ताई, नवी मुंबई अध्यक्ष विजय झणके , सरचिटणीस संजय झनके इत्यादी प्रमुख पदाधिकारी व सक्रीय कार्यकर्ते मोठ्या संख्येने उपस्थित होते. कार्यक्रमानंतर उपरोक्त सर्वांनी राजगृहा वर जाऊन दि बुद्धिस्ट सोसायटी ऑफ इंडियाच्या वतीने आद. मनिषाताई आनंदराज आंबेडकर यांना वाढदिवसाच्या निमित्ताने हार्दिक शुभेच्छा दिल्या.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत