जन्म – ८ एप्रिल १९१४ (मुंबई)
स्मृती – २९ ऑक्टोबर २००९
१९३७ मध्ये आयएएस उत्तीर्ण संरक्षण अधिनियम विभागात सिव्हिल सर्व्हंट असलेले डी.एस. नाकारा यांचा जन्म मुंबईत झाला. १९७७ पूर्वी सेवानिवृत्त कर्मचाऱ्यांना अत्यल्प पेन्शन मिळायची. सरकारने १९७९ मध्ये लिबरलाइज्ड पेन्शन योजना सुरू केली, ती फक्त १९७९ आणि त्यानंतर निवृत्त झालेल्यांनाच लागू होई. याबाबत नाकारा यांनी सर्वोच्च न्यायालयात जनहित याचिका दाखल केली. न्यायमूर्ती यशवंतराव चंद्रचूड यांच्या अध्यक्षतेखाली सर्वोच्च न्यायालयाच्या खंडपीठाने १७ डिसेंबर १९८२ रोजी ऐतिहासिक निकाल दिला. निवृत्ती वेतन हा हक्क आहे आणि पेन्शनधारकांना महागाई सवलत, सेवारत कर्मचाऱ्यांच्या बरोबरीने वैद्यकीय सुविधा आणि मृत्यूची भरपाईही देण्यात यावी. पेन्शन सरकारच्या विवेकबुद्धीवर अवलंबून नाही, हे कर्मचार्यांच्या भूतकाळातील सेवेचे प्रतिबिंब आहे आणि निवृत्ती वेतनधारकांना टेन्शन पासून वाचवण्याचे एक साधन आहे. न्यायालयाने दिलेल्या या ऐतिहासिक निर्णयाचे श्रेय नाकारा यांचे आहे. पेन्शनधारकांच्या जीवनात त्यांनी प्रकाश टाकला. त्यांच्या योगदानाचे स्मरण म्हणून १७ डिसेंबर हा ‘पेन्शनर्स दिन’ म्हणून साजरा केला जातो.
संकलन : मिलिंद पंडित, कल्याण
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
