महिलांना सुद्धा बौद्ध विधी लावण्यासाठी श्रामणेरी -बौद्धाचार्या करून खऱ्या अर्थाने संविधानानुसार समतेची अंमलबजावणी करीत आहोत .-ॲड एस के भंडारे

नवीमुंबई: भारतीय संविधानाने देशातील मनुस्मृतीचे विषमता नष्ट करून स्त्री पुरुष समानता आणली परंतु स्त्रियांना काही बाबतीत पुरुषाबरोबरचे जबाबदारी, काम दिले जात नाही मात्र डॉ बाबासाहेब आंबेडकर यांनी स्थापन केलेल्या भारतीय बौद्ध महासभा या संस्थेच्या माध्यमातून डॉ.भीमराव य आंबेडकर यांच्या मार्गदर्शनात पुरुष आणि महिला राज्य आणि जिल्हा कार्यकारिण्या 15ऑगस्ट 2023 पासून स्वतंत्र करण्यात आल्या, त्यानंतर महिलांच्या मागणीनुसार महिलांना श्रामणेरी – बौद्धाचार्या
करून बौद्ध चे विधी संस्कार करण्याचे अधिकार देण्यासाठी चैत्यभूमीमधे दोन विशेष श्रामणेरी – बौद्धाचार्या प्रशिक्षण शिबिर घेण्यात आल्याची माहिती देऊन आता नवी मुंबई महिला जिल्हा शाखेच्या प्रथम वर्धापनानिमित्त भारतीय बौद्ध महासभेचे तिसरे श्रामणेरी – बौद्धाचार्या प्रशिक्षण शिबिर आम्ही राबवित आहोत त्यामुळे समाजात खऱ्या अर्थाने संविधानानुसार समतेची अंमलबजावणी करीत आहोत, तथागत बुद्ध व डॉ बाबासाहेब आंबेडकर यांच्या संकल्पनेनुसार दि बुद्धिस्ट सोसायटी ऑफ इंडिया (भारतीय बौद्ध महासभा) द्वारे समाजात सामाजिक समानता प्रस्थापित करण्यास सुरुवात झालेली आहे असे प्रतिपादन भारतीय बौध्द महासभेचे टूस्टी राष्ट्रीय उपाध्यक्ष व केंद्रिय कार्यालय प्रमुख ॲड . एस .के .भंडारे यांनी दि. 17/12026 रोजी बुद्ध प्रतिष्ठाण वाशी नवी मुंबई येथे
श्रामणेरी -बौद्धाचार्या धम्म प्रशिक्षण शिबीर व उपासिका शिबिर उद्घाटन प्रसंगी केले.ॲड एस .के .भंडारे यांनी प्रभावशाली उदाहरणासह मार्गदर्शन करून सर्वांमध्ये उत्साह निर्माण करून महिलांमध्ये भरीव उर्जा निर्माण केली. तसेच डॉ हर्षवर्धन यांनी बुद्ध प्रतिष्ठान मार्फत चालवण्यात येणारे विविध उपक्रम यांची माहिती व पाहणी केल्यावर ॲड भंडारे यांनी समाधान व्यक्त करून प्रतिष्ठान च्या सर्वांचे अभिनंदन केले. उद्घाटन प्रसंगी सुषमाताई पवार (राष्ट्रीय उपाध्यक्षा व केंद्रिय महिला विभाग प्रमुख ) यांनी शिबिरात मोठ्या संख्येने सहभागी झालेल्या सर्व महिलांचे व त्यांच्या परिवाराचे कौतुक केले.तसेच रागिणीताई पवार ( केंद्रिय महिला विभाग उप प्रमुख ) स्वातीताई शिंदे अध्यक्षा , महाराष्ट राज्य महिला शाखा यांनी शुभेच्छा पर मार्गदर्शन केले. या कार्यक्रमाच्या अध्यक्षस्थानी नवी मुंबई जिल्हा महिला शाखेच्या अध्यक्ष शोभाताई कांबळे होत्या, डॉ . अनंत हर्षवर्धन (बुद्ध प्रतिष्ठान अध्यक्ष),
सुजाताताई कांबळे ( सरचिटणीस , महाराष्ट्र राज्य महिला शाखा ) स्वातीताई गायकवाड (संस्कार उपाध्यक्षा महाराष्ट् राज्य ) नामदेव जगताप,( जिल्हाध्यक्ष ,नवी मुंबई ) संजय झनके (सरचिटणीस ) छायाताई दिवे ( कोषाध्यक्षा , महिला जिल्हा शाखा ), वंदनाताई कुरणे ( संस्कार उपाध्यक्षा , महिला जिल्हा शाखा ) विजय झनके (उपाध्यक्ष, जिल्हा पुरुष शाखा ) विनोद पाचपिंडे ( उपाध्यक्ष पर्यटन, नवी मुंबई जिल्हा ) चांदणीताई पाचपिंडे ( उपाध्यक्ष पर्यटन, महिला जिल्हा शाखा ) दत्ताश्रय हराळ ( जिल्हा , कार्यालयीन सचिव ) मधुकर हिवराळे ( उपाध्यक्ष ,संरक्षण नवी मुंबई जिल्हा ) , अनिल शिंदे ( मेजर ) इत्यादी उपस्थित होते . उपस्थित मान्यवरांचे नवी मुंबई जिल्हा महिला शाखेच्या वतीने स्वागत करण्यात आले . धनराज मनुरे ( सचिव संरक्षण )यांनी भोजनाची शानदार व्यवस्था महाराष्ट्रातून नवी मुंबई जिल्ह्यासह नांदेड, पुणे, सातारा,कोल्हापूर,अहिल्यानगर, रायगड , पालघर, धुळे, नाशिक, यवतमाळ जळगाव या जिल्ह्यातून शिबिरात सहभागी झालेल्या 33 शिबीरार्थीसाठी सुविधा उपलब्ध करून दिली. संघनायक पुज्य भिक्खुणी संयमित्रा थेरी यांनी शिरार्थींना श्रामणेरी प्रवज्जा दिली . नियम सांगितले .श्रामणेरी बौद्धाचार्या शिबीर कार्यक्रमाचे सुत्रसंचालन ज्योतीताई जाधव (सरचिटणीस ,नवी मुंबई जिल्हा महिला शाखा )यांनी केले . या कार्यक्रमासाठी वार्ड शाखेचे पदाधिकारी , केंद्रिय शिक्षक , केंद्रिय शिक्षिका ,
बौद्धाचार्य बुद्ध प्रतिष्ठान येथील वार्ड शाखेच्या उपासक आणि उपासिका शिबीराचे शिबीरार्थी सुद्धा उपस्थित होते . मंगलमय वातावरणात श्रामणेरी बौद्धाचार्या शिबीर उद्घाटन सोहळा संपन्न झाला . नवी मुंबई जिल्हा महिला शाखेच्या अध्यक्षा शोभाताई कांबळे यांनी अध्यक्षीय विचार व्यक्त करून सहकार्य करणाऱ्या सर्वांचे उपस्थित मान्यवरांचे आभार मानुन शिबीर कार्यक्रमाचा समारोप करण्यात आला .

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत