माण च्या मुली देशाचं नांव ऑलम्पिकमध्ये कोरतील.- ललिता बाबर.

वरकुटे-मलवडी: वार्ताहर
माण तालुक्याच्या मातीत संघर्षाचं बीज रोवले गेले असून,खेळाच्या माध्यमातून येथील मुली देश पातळीवर यशाचा अंकुर फुलविण्याचा प्रयत्न करत आहेत,अशा मुलींना पालकांसह गावकरी व माणवासियांनी पाठबळ दिल्यास,देशपातळीवर खेळत असलेल्या याच मुली आपल्या गावासह माण तालुक्याचं नांव ऑलिंपिकमध्ये सुवर्ण अक्षरांनी कोरल्याशिवाय राहणार नाहीत आशा प्रकारचे प्रतिपादन माणदेश एक्सप्रेस, पनवेलच्या उपजिल्हाधिकारी ललिता बाबर यांनी व्यक्त केले.
वरकुटे-मलवडी ता माण येथे दिवाळीनिमित्त यशवंतराव चव्हाण हायस्कुल माजी विद्यार्थी सामाजिक संघटना व पंचक्रोशीच्या वतीने आयोजित केलेल्या माणदेश मॅरेथॉन स्पर्धेच्या बक्षीस वितरण कार्यक्रमात त्या बोलत होत्या.याप्रसंगी व्यासपीठावर पुण्याचे आयकर आयुक्त नितीन वाघमोडे,मुंबई वस्तु आणि सेवा कर उपायुक्त संदीप भोसले,तहसीलदार जीवन बनसोडे,वनपरिक्षेत्र अधिकारी नितीन आटपाडकर,सातारा जिल्हा मध्यवर्ती बँकेचे उपाध्यक्ष अनिल देसाई,राष्ट्रवादी काँग्रेसचे राज्य सरचिटणीस अभयसिंह जगताप,माजी सरपंच बाळकृष्ण जगताप,विजयराज पिसे,सरपंच विलास खरात,आंतरराष्ट्रीय हॉकी खेळाडू काजल आटपाडकर,आदी मान्यवर व्यासपीठावर उपस्थित होते.या मॅरेथॉन स्पर्धेत खुला गट १० कि.मी.मुलांमध्ये अनुक्रमे सुशांत जेधे,उत्तम पाटील,विवेक मोरे यांनी खुला गट ५ कि.मी.मुलींमध्ये,प्राजक्ता शिंदे,साक्षी जड्याळ,सोनाली देसाई,१६०० मीटर मुलांमध्ये अनुक्रमे दादा शिंगाडे,स्वराज पाटील,बाळू पुकळे,१० कि.मी.पंचक्रोशीतील मुलांमध्ये रोहीत बनगर,विपुल ढेरे,रोहित कोठावळे तर१६ वर्षाखालील गटात सिद्धनाथ जगताप,अथर्व तारे,राहुल तवरे यांनी यश संपादन केले.बाबर पुढे म्हणाल्या की,माणमधून घडणारी प्रत्येक खेळाडू हि माणच्या स्वाभिमानासाठी खेळत असून,याच मुली देशाचं भविष्य उज्ज्वल केल्याशिवाय राहणार नाहीत.यासाठी सर्वांचे आशीर्वाद,आणि पाठबळ गरजेचे आहे.मी ज्या क्रीडांगणाच्या मातीत झुंजले त्याच मैदानावर वरकुटे-मलवडीत जन्म घेतलेलं आणखी एक माणदेशी रत्न मोठ्या जोमाने खेळतय त्या काजल आटपाडकर च्या पाठीवर सर्वांचा आशिर्वाद असुद्या एकदिवस हेच माणदेशी रत्न ऑलिंपिकमध्ये माणच्या मातीचं नांव मोठं करणार असल्याचे सांगितले.यावेळी नितीन वाघमोडे,अनिल देसाई,अभयसिंह जगताप,यांनी मनोगत व्यक्त केले.स्पर्धेचे संयोजन माणदेश मॅरेथॉन कमेटीच्या वतीने संस्थापक अध्यक्ष अनिकेत आटपाडकर,चंद्रकांत जाधव यांच्यासह छगन पिसे,बाबा पडळकर,युवराज ढेरे,गणेश खंदारे,सोमनाथ तोडकर यांनी केले.मॅरेथॉनमध्ये देशाच्या विविध भागांतून आलेल्या शेकडो स्पर्धकांनी सहभाग नोंदविला.
फोटो – यशस्वी खेळाडूंना मानचिन्ह व प्रमाणपत्र देताना ललीता बाबर यांच्यासह मान्यवर..

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत