येवला मुक्तीभूमी येथे 56 फूट उंच पंचशील ध्वज स्तंभाचे डॉ भीमराव आंबेडकर यांच्या हस्ते लोकार्पण

येवला (नाशिक)— 13ऑक्टोबर या धर्मांतर घोषणेच्या ऐतिहासिक दिवसाच्या स्मृतिप्रीत्यर्थ दरवर्षी हजारो अनुयायी येवला येथे येऊन मुक्ती भूमीला,बाबासाहेब आंबेडकर यांना अभिवादन करतात, यापुढे दरवर्षी भीमा कोरेगाव, महाड या भूमीवर जसे लाखो लोक येतात तसे लाखो लोक येणे गरजेचे आहे असे प्रतिपादन डॉ भीमराव य आंबेडकर यांनी मुक्ती भूमी वरील धर्मांतर घोषणेच्या 90 व्या वर्धापन दिनानिमित दि बुद्धिस्ट सोसायटी ऑफ इंडिया शाखा नाशिक जिल्हा पश्चिम यांनी आयोजित केलेल्या जाहीर सभेमध्ये केले. यावेळी डॉ हरीश रावलिया ( ट्रस्टी चेअरमन), अँड एस के भंडारे (ट्रस्टी, केंद्रीय कार्यालय प्रमुख व समता सैनिक दलाचे स्टाफ ऑफिसर), ॲड डॉ जगदीश गवई, यू जी बोराडे (अध्यक्ष, महाराष्ट्र राज्य), देवेंद्र उबाळे (ट्रस्टी, येवला मुक्ती भूमी), सुरेखा लोखंडे (अध्यक्ष, नाशिक जिल्हा पश्चिम महिला शाखा) इत्यादींची भाषणे झाली. अध्यक्षस्थानी नाशिक जिल्हा पश्चिम शाखा अध्यक्ष भाऊसाहेब जाधव होते.
या ऐतिहासिक दिवशी प्रथम डॉ बाबासाहेब आंबेडकर चौक येथून भारतीय बौद्ध महासभेच्या वतीने समता सैनिक दल, श्रामनेर भिक्खु संघ, कार्यकर्ते यांनी शहरातून रॅली काढून, डॉ. भीमराव य आंबेडकर , भंते बी सुमेध बोधी, डॉ हरीश रावलीया, अँड एस के भंडारे यांच्या हस्ते मुक्ती भूमीवरील विपश्यना हॉल मध्ये भगवान बुद्ध यांच्या मूर्तीची प्रतिष्ठापना , डॉ बाबासाहेब आंबेडकर यांच्या पुतळ्यास अभिवादन करून त्यानंतर समता सैनिक दलाच्या ध्वजाचे आणि 56फूट धम्म ध्वजाचे उद्घाटन करण्यात आले. यावेळी सूत्रसंचलन ॲड एस के भंडारे, राष्ट्रीय सचिव बी एच गायकवाड , नाशिक जिल्हा पश्चिम सरचिटणीस शरद भोगे यांनी केले.
त्यानंतर समता सैनिक दलाचे संचालन व कब्बडी, लाठी काठी, धावणे स्पर्धा संपन्न झाल्या.
नाशिक येथे डॉ बाबासाहेब आंबेडकर यांनी काळाराम मंदिर सत्याग्रह सण 1930 मध्ये सुरू केला त्याला 5वर्षे पूर्ण होऊनही मंदिर प्रवेश मिळाला नाही म्हणून डॉ बाबासाहेब आंबेडकर यांनी येवला येथे “मी हिंदू धर्मात जन्मलो, पण हिंदू धर्मात मरणार नाही”अशी घोषणा करून अस्पृश्य समाजाला मुक्ती देण्याच्या क्रांतीला सुरुवात केली, त्या बाबासाहेब आंबेडकर यांनी 14ऑक्टोबर 1956रोजी बौध्द धम्माची स्वतः व लाखो अनुयायी सह दिक्षा घेऊन चातुर्वर्णातून मुक्ती घेतली म्हणून 56 फूट उंच पंचशील ध्वज बुद्धिस्ट ग्रामपंचायत अधिकारी संघाच्या नाशिक करांच्या च्यावतीने सुमारे 6.25 लाख खर्चून उभा केला त्यांचे कौतुक करून आता नाशिक करानी ॲड बाळासाहेब आंबेडकर व डॉ भीमराव य आंबेडकर यांच्या संकल्पनेतून येवला मुक्ती भूमीचे नंदनवन करायला पाहिजे असे ॲड एस के भंडारे यांनी आपल्या भाषणामध्ये सांगितले.
सभेमध्ये बुद्धिस्ट ग्रामपंचायत अधिकारी संघाचे बापू सादवे, मोहन जमदाडे आणि एका मुस्लिम परिवाराने बौद्ध स्वीकारल्याबद्दल डॉ भीमराव य आंबेडकर यांच्या हस्ते सन्मान करण्यात आला.
या ऐतिहासिक दिवसाप्रित्यर्थ येवला तालुक्याच्या वतीने 70 बौद्धांचे श्रामनेर शिबिर आयोजित केले होते त्याचाही समारोप करण्यात आला, या दहा दिवसाच्या शिबिरास चित्यभूमीचे भंते बी सुमेध बोधी, केंद्रीय प्रशिक्षण विभाग उपप्रमुख एम डी सरोदे गुरुजी यांनी प्रशिक्षण दिले.
या ऐतिहासिक सोहळ्यात
समता सैनिक दलाच्या स्पर्धा व संचालनास दलाचे डी एम आचार्य, दादासाहेब भोसले, मोहन सावंत, चंदा कासले,पी एस ढोबळे,राजरत्न थोरात, आनंदा भेरजे इत्यादीं अधिकारी उपस्थित होते व रायगड, नाशिक , पुणे,
औरंगाबाद, नांदेड, जळगाव ,
परभणी, अमरावती, अकोला, मुंबई, ठाणे इत्यादी विविध बटालियन चे सैनिक, अधिकारी मोठ्या संख्येने उपस्थित होते.तसेच येवला , नाशिक व राज्यभरातील विविध जिल्ह्यातून अनुयायांची मोठ्या संख्येने उपस्थिती होती.यावेळी पंचशील ध्वज, डॉ बाबासाहेब,जयभीम इत्यादी घोषणांनी संपूर्ण परिसर दुमदुमून गेला होता.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत