महामंडळाची असलेली शिवशाही बसची टँकर ला धडक.

अलिबाग पेण मार्गावर मोठी वाहतूक कोंडी.

अलिबाग पेण मार्गावर आज (शनिवारी) दुपारच्या सुमारास शिवशाही बसने मागून टँकरला धडक दिल्याने अपघात झाला. या अपघातात कुणीही जखमी झाले नाही मात्र यामुळे अलिबाग पेण मार्गावर मोठी वाहतूक कोंडी झाली होती. आज दुपारी अलिबागहून पनवेलकडे चाललेली विनावाहक विना थांबा शिवशाही बस पोयनाडच्या पुढे पांडवादेवी येथे वळणावर आली असता चालकाला गाडी नियंत्रित करता आली नाही. त्यामुळे बस पुढे चाललेल्या टँकरवर आदळली. या अपघातात दोन्ही वाहनांचे नुकसान झाले. बसमधून तेलाची गळती सुरू झाली. दोन्ही वाहने जागेवरच रस्त्यात उभी राहिल्याने मोठी वाहतूक कोंडी झाली होती. दोन्ही बाजूची वाहने अडकून पडल्याने वाहनांच्या लांबचलांब रांगा लागल्या होत्या. पांडवादेवी ते वडखळ हे १० मिनिटांचे अंतर पार करायला दीड तास लागत होता. ही वाहतूक कोंडी सोडवण्यासाठी पोलिसांना मोठी कसरत करावी लागली

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत