परिवत्तन मिशन फाउंडेशन आणि श्री. तुळजाभवानी अभियांत्रिकी महाविद्यालय तुळजापूर यांच्यात पाच वर्षांचा सामंजस्य करार.

तुळजापूर, दि. २२ : विद्यार्थ्यांना कौशल्यविकास, परदेशी भाषा, करिअर मार्गदर्शन आणि देश-विदेशातील शिक्षण व रोजगाराच्या संधी उपलब्ध करून देण्याच्या उद्देशाने श्री तुळजाभवानी कॉलेज ऑफ इंजिनिअरिंग, तुळजापूर आणि परिवत्तन मिशन फाउंडेशन यांच्यात पाच वर्षांचा सामंजस्य करार (MoU) करण्यात आला.

या करारांतर्गत विद्यार्थ्यांसाठी जपानी, जर्मन, फ्रेंच, चिनी यांसह विविध परदेशी भाषांचे प्रशिक्षण, कौशल्यविकास कार्यक्रम, करिअर मार्गदर्शन, कार्यशाळा, चर्चासत्रे, तज्ज्ञांचे मार्गदर्शन आणि जागतिक शैक्षणिक व रोजगाराच्या संधींबाबत जनजागृती करण्यात येणार आहे.

विद्यार्थ्यांना शिष्यवृत्ती, इंटर्नशिप, उच्च शिक्षण आणि भाषा-आधारित रोजगाराच्या संधींबाबत माहिती व मार्गदर्शन देण्यासोबतच संवाद कौशल्य, मुलाखत कौशल्य, डिजिटल कौशल्ये आणि व्यावसायिक कौशल्यांच्या विकासावरही भर देण्यात येणार आहे.

या सामंजस्य कराराच्या माध्यमातून महाविद्यालय आणि फाउंडेशनच्या संयुक्त सहभागातून विद्यार्थ्यांसाठी विविध उपक्रम राबविण्यात येणार आहेत. महाविद्यालयाकडून आवश्यक संस्थात्मक सहकार्य व समन्वय केला जाणार असून, फाउंडेशनकडून तज्ज्ञ, संसाधन व्यक्ती आणि कार्यक्रमांसाठी आवश्यक शैक्षणिक सहकार्य उपलब्ध करून देण्यात येणार आहे.

या प्रसंगी श्री तुळजाभवानी कॉलेज ऑफ इंजिनिअरिंगचे प्राचार्य डॉ. ओमप्रकाश राजनकर, प्रा .डॉ.विवेक गंगणे आणि प्रा. संतोष एकदांते उपस्थित होते. तसेच परिवत्तन मिशन फाउंडेशनचे संस्थापक व मुख्य कार्यकारी अधिकारी किशोर भगत आणि परदेशी भाषा प्रमुख देविदास कदम उपस्थित होते.

या पाच वर्षांच्या सहकार्यामुळे तुळजापूर व परिसरातील विद्यार्थ्यांना कौशल्यविकासापासून परदेशी भाषा आणि जागतिक शिक्षण व रोजगाराच्या संधींपर्यंत पोहोचण्यासाठी एक व्यापक व्यासपीठ उपलब्ध होणार आहे.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत