सोमवारी हैदराबादच्या नामपल्ली भागातील एका निवासी इमारतीत लागलेल्या भीषण आगीत दोन कुटुंबातील नऊ जण गुदमरून मरण पावले, तर एक जण जखमी झाल्याचे पोलीस व अग्निशमन दलाच्या अधिकाऱ्यांनी सांगितले.आगीमुळे उफाळलेल्या ज्वाळांसह इमारतीवर पसरलेला धूर नाकातोंडात गेल्यामुळे नऊ जण बेशुद्धावस्थेत आढळले. बचाव पथकांनी त्यांना एका सरकारी रुग्णालयात हलवले असता डॉक्टरांनी त्यांना मृत घोषित केले.
निवासी संकुलाच्या पार्किंगच्या जागेत ठेवलेल्या ज्वलनशील रसायनांच्या पिंपांना आग लागली व ती इमारतीच्या वरच्या भागात पसरली, असे पोलिसांनी सांगितले. या संकुलात तळमजला आणि वरचे चार मजले आहेत. या भागातील मुलांनी फोडलेल्या फटाक्यांतून उडालेल्या ठिणग्यांमुळे ही आग लागली असावी, असा प्राथमिक अंदाज व्यक्त करण्यात येत आहे./
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
