आदिवासींच्या हक्काचा २०९ कोटी निधी पुन्हा लाडकी बहीण योजनेवर वळता केला!

११ सप्टेंबर २०२६ रोजी आदिवासी विकास विभागाच्या लेखाशीर्षातून २०९ कोटी ६५ लाखांची रक्कम ‘मुख्यमंत्री माझी लाडकी बहीण योजना’ या योजनेकडे वर्ग करण्यात आली आहे.
आदिवासी विकास विभागाच्या निधीतून लाडकी बहीण योजनेसाठी एवढी मोठी रक्कम पुन्हा का वळवली?
आदिवासी विद्यार्थ्यांना परदेशात शिक्षणासाठी आर्थिक मदत मिळवताना अडचणी येतात, शिष्यवृत्ती आणि शिक्षणासाठी निधीची मागणी होते, आश्रमशाळा आणि वसतिगृहांच्या प्रश्नांवर आदिवासी समाज वर्षानुवर्षे आवाज उठवत आहे.
मग आदिवासींच्या विकासासाठी असलेला हक्काचा निधी दुसऱ्या योजनेसाठी का वळविण्यात आला?
सरकारने स्पष्ट केले पाहिजे की २०९ कोटी ६५ लाख कोणत्या आदेशाने वर्ग करण्यात आले?
यासाठी शासन निर्णय कुठे आहे?
हा निधी वर्ग करण्याची नेमकी तरतूद कोणती?
आदिवासी विकास विभागाकडे या निधीची आवश्यकता नव्हती का?
आदिवासी विद्यार्थ्यांच्या शिक्षणापेक्षा हा निधी दुसरीकडे वापरणे का आवश्यक झाले?
आदिवासी समाजाच्या नावावर निधी दाखवायचा आणि नंतर तो दुसऱ्या कामासाठी वळवायचा, असा प्रकार सातत्याने सुरू आहे.
वंचित बहुजन आघाडी कडून ह्या निधी चोरी विरुद्ध मंत्र्याचे घरावर आंदोलन केले तरीही भाजप आदिवासी हक्काचा निधी दुसऱ्या योजनेत वळवत आहे.लाडकी बहीण योजनेत अनुसूचित जमाती लाभार्थी संख्या सरकारने जाहीर केली पाहिजे.अन्यथा आता पोलिस तक्रार दाखल करू…

राजेंद्र पातोडे
प्रदेशाध्यक्ष
वंचित बहुजन आघाडी
महाराष्ट्र प्रदेश
९४२२१६०१०१

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत