बाबांच्या महापरिनिर्वाणा पश्चात,
होता गाठला कळस,
पुढाऱ्यांच्या गटातटाने,
सैरभैर होता समाज,
आपसातील यादवीने,
नव्हता लेक बापात,
आणि बाप लेकात,
जो तो गुंग होता,
एकमेकांचे पाय खेचण्यात.!
ह्या खडतर काळात, गाठले टोक, अन्याय, अत्याचाराने,
चरम सीमेचे,
निघाले धिंडवडे,
माता भगिनींच्या अब्रूचे,
वाढले प्रकार निर्दयी,
शोषणाचे, अन बहिष्काराचे.!
अशा कठीण समयी,
जन्म घेतला पँथरने,
हताश, मरगळलेल्या समाज मनात,
संघर्षाचे बीज पेरले पँथरने,
लढण्याचे नवचैतन्य, निर्माण करून,
आरे ला कारे, म्हणण्याची ताकद
दिली पँथरने. !
त्याने अल्प काळात,
इतिहास रचला,
दिन दुबळ्या अन सैरभैर झालेल्या मनाचा, ताबा घेतला,
भल्या भल्यांचा, माज उतरवला,
बाबांचा संघर्ष प्रत्यक्षात आणला,
झेप घेऊनी,
अन्यायाचा गळा घोटला.!
निधड्या छातीने,
तो एकाकी भिडला,
त्या धाकाने, मनुवादी थरथरला,
सरकारी, दरबारी जरब बसला,
पिचलेल्या, खचलेल्या, मनात आशेचा किरण दिसला.!
पण ही वज्रमूठ,
अल्पकालीन ठरली,
उभी फुट पाडण्यात,
विरोधकांची खेळी यशस्वी झाली,
बेकीचा सुरुंग लावून,
प्रचंड ताकद उध्वस्त केली.!
दीन दुबळ्याच्या चिलखताला,
वाळवी लावली,
पँथरची जरब, दिवसेंदिवस क्षीण,क्षीण, होत गेली.!
अजून ही ज्वाला,
तीच उर्मी पेटताना भासे,
मनातली खदखद, अन्यायाची चीड, अध्याप उचंबळताना दिसे,
थकले जरी शरीर,
मन मानायला तयार नसे.!
अजूनही तीच धमक, तोच त्वेष धमन्यांत वसे,
म्हणुनच ह्या विपरीत परिस्थितीत ही,
अधून मधून पँथर, डरकाळी फोडताना दिसे,
” पँथर अभी जिंदा है.!
” पँथर अभी जिंदा है.!!
अरुण निकम,
9323249487.
मुंबई.
दिनांक…10/08/2026.
” पँथर अभी जिंदा है.!!!
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
