बुद्धाचा धम्म वैज्ञानिक आहे त्यामुळे सर्वांनी धम्म अनुसरून विकास केला पाहिजे -ऍड डॉ एस के भंडारे –

मुंबई – डॉ बाबासाहेब आंबेडकर यांनी आपल्या पूर्वजाना जे चातुरवर्णाच्या बाहेर विषमतेत होते त्यांना समतेत आण्यासाठी बौध्द धम्म दिला तो विज्ञानवादी असून त्यात देव धर्म, आत्मा, पुनर्जन्म, स्वर्ग इत्यादी काहीही नसून समता आणि माणसाने कसे वागायचे, दुःखातून कसे मुक्त व्हायचे हे सांगितलेले आहे म्हणून बुद्धाचा धम्म वैज्ञानिक आहे त्यामुळे सर्वांनी धम्म अनुसरून विकास केला पाहिजे व आपण बौद्ध धम्माचा प्रचार प्रसार करून आपला विभाग , गाव शिक्षणातून विकासाकडे घेऊन जावे असे आवाहन , दि बुद्धिस्ट सोसायटी ऑफ इंडिया (भारतीय बौद्ध महासभा ) चे ट्रस्टी /राष्ट्रीय उपाध्यक्ष ( केंद्रीय कार्यालय प्रमुख ) ऍड डॉ एस के भंडारे यांनी चेंबूर येथील शाखा पंचशील नगरच्यावतीने आषाढ पौर्णिमा ते अश्विन पौर्णिमा वर्षाच्या दरम्यान चालणाऱ्या प्रवचन मालिकेत शनिवार दिनांक 8/8/2026 रोजी केले. बौद्ध धम्म आणि विज्ञान या विषयावतील द्वितीय पुष्प महाराष्ट्र राज्य कार्यालयीन सचिव केंद्रीय शिक्षक बापूसाहेब निकाळजे यांचे प्रबोधन ऐकण्यासाठी व शाखेला भेट देण्यासाठी ऍड डॉ एस के भंडारे आले होते. बापूसाहेब निकाळजे यांनी विज्ञानाच्या कसोट्यावर बौद्ध धम्म कसा उतरतो याची उदाहरणासह माहिती उपस्थितांना सांगितली. यावेळी शाखेच्या रेखाताई कांबळे त्यांची नात श्रेया कांबळे हिच्या वाढदिवसानिमित्त वही आणि पेन्सिल ऍड डॉ एस के भंडारे यांच्या हस्ते वाटण्यात आली.या कार्यक्रमाचे अध्यक्ष शाखेचे अध्यक्ष अशोक रोटे होते. यावेळी मुंबई प्रदेशचे सचिव ( संस्कार ) दिलीप लिहिणार उपस्थित होते. सूत्रसंचालन सरचिटणीस रतन बनसोडे यांनी केले. या विषयांचे दानदाते संघटिका निलाताई डेरे यांनी सर्वांना अल्पओपहार दिला.या प्रबोधणांस शाखेतील महिला व तरुण मुले मोठया संख्येने उपस्थित होते.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत