स्वामी रामानंद तीर्थ मराठवाडा विद्यापीठात अहिल्यादेवी होळकर यांच्या नावाने अध्यासन केंद्र सुरू करावे ! -सम्यक समाज संघाच्या वतीने कुलगुरू यांना निवेदन

निवेदन देताना डावीकडून सोनेराव माने, अँड मंचकराव डोने, डॉ सुरेश वाघमारे.

लातूर : स्वामी रामानंद तीर्थ मराठवाडा विद्यापीठ नांदेड अंतर्गत, विविध महापुरुषांच्या नावाने ही अध्यासन केंद्रे स्थापन करण्यात आली आहेत .याचप्रमाणे या विद्यापीठात राजमाता अहिल्यादेवी होळकर यांच्या नावाने देखील एक अध्यासन केंद्र सुरू करण्यात यावे असे निवेदन डॉ. सुरेश वाघमारे, ॲड. मंचकराव डोणे व सोनेरावजी माने यांनी दिनांक 15 जुलै 2026 रोजी स्वामी रामानंद तीर्थ मराठवाडा विद्यापीठाचे कुलगुरू डॉ. मनोहर चासकर यांना दिले. वास्तविक पाहता स्वामी रामानंद तीर्थ मराठवाडा विद्यापीठात काही वर्षांपूर्वी राजमाता अहिल्यादेवी होळकर यांच्या नावाने एक अध्यासन केंद्र सुरू करण्याबाबत विद्यापीठाने तीन सदस्यांची समिती गठित केली होती. त्यामध्ये अध्यक्ष प्राचार्य दिवंगत दळणार, प्राचार्य डॉ. नागोराव कुंभार व डॉ. सुरेश वाघमारे इ. होते या समितीने हे अध्यासन केंद्र सुरू करण्यासंबंधी शिफारस विद्यापीठाला केली होती, परंतु पुढे ह्याचे काय झाले कळाले नाही? ही बाब हे निवेदन देताना कुलगुरूच्या लक्षात आणून दिली. यावर त्यांनी सकारात्मक दृष्टिकोन दर्शविला स्वामी रामानंद तीर्थ मराठवाडा विद्यापीठ नांदेड अंतर्गत, अध्यासन केंद्र सुरू केल्यास राजमाता अहिल्यादेवी होळकर यांच्या सामाजिक कार्याची लोकप्रिय कामाची माहिती या अध्यासनाद्वारे आयोजित केलेल्या प्रचारातून विविध उपक्रमातून होऊ शकेल. या दृष्टिकोनातून ही सुरुवात होणे गरजेचे आहे त्याचप्रमाणे अशा प्रकारचे अध्यासन केंद्र सुरू व्हावे अशी मागणी अनेक वर्षापासून विद्यार्थी शिक्षक यांच्याकडून होत आहे.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत