सांगुन गेले तथागत,
मी मुक्तीदाता नाही,
मार्गदाता आहे,
दिला बोध धम्माचा, अष्टांगीकाचा, पंचशीलेचा,
अन मार्ग दिला सत्शील,
निरामय जीवनाचा,
शांतीचा, अहिंसेचा,
मानवतेचा,समानतेचा,
तर्कतेचा, अन विज्ञानाचा.!
धम्माने घेतला बाहुत, देश सारा,
डोळ्यांत खुपला, वाढता पसारा,
मारेकरी धाडला, अंगुलीमालाला,
तथागतांच्या तेजाने,
अन मधुर वाणीने,
तो क्रूरकर्मा, अंतर बाह्य बदलला,
लोटांगण घेऊन पायावर,
याचना क्षमेची करू लागला,
तथागतांनी भिक्खूची दीक्षा देऊन,
सन्मार्ग दाखवला. !
कलिंगाच्या रणभूमीवर,
संहार लाखोंचा झाला,
हाहाकार सर्वदूर माजला,
खच प्रेतांचा पडला,
ते भयावह दृश्य बघून,
सम्राट आत्यंतिक दुःखाने, व्यथित झाला,
त्याने आमरण शस्त्र त्यागून,
लाखोंसह शांतीचा धम्म स्विकारला.!
असाच ऐतिहासिक प्रसंग, दीक्षाभूमीवर घडला,
लाखोंच्या साक्षीने,
धर्मांतर सोहोळा पार पडला,
बाबांनी शब्द पाळला,
त्याग केला,
जातीद्वेषाचा , अनिष्ट परंपरांचा,
माणुसकीहीन धर्मांचा,
अन अनुसरला,
मार्ग तथागतांच्या धम्माचा.!
अन अनुसरला,
मार्ग तथागतांच्या धम्माचा.!!
अन अनुसरला,
मार्ग तथागतांच्या धम्माचा.!!!
जयभीम
अरुण निकम.
9323249487.
मुंबई,
दिनांक…18/07/2026.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
