माता रमाई आंबेडकर यांच्या जन्म गावी जयंती उत्साहात साजरी

वनंद (दापोली) : दि बुद्धिस्ट सोसायटी ऑफ इंडिया (भारतीय बौद्ध महासभा) केंद्र , रत्नागिरी जिल्हा , दापोली व वनंद शाखा व वनंद भावकी आणि बार्टी यांच्या वतीने माता रमाई आंबेडकर यांचा 128 वा जयंती कार्यक्रम माता रमाई आंबेडकर राष्ट्रीय स्मारक, वनंद ता.दापोलीजि.रत्नागिरी येथे दिनांक 7/2/2026 रोजी डॉ भीमराव य आंबेडकर (ट्रस्टी/राष्ट्रीय कार्याध्यक्ष व राष्ट्रीय अध्यक्ष, समता सैनिक दल) यांच्या अध्यक्षतेखाली संपन्न झाला. माता रमाई यांच्या जीवनावर डॉ भीमराव य आंबेडकर यांनी मार्गदर्शन करून माता रमाई च्या वनंद येथे प्रबोधन केंद्र निर्माण होणे गरजेचे आहे त्यासाठी आम्ही प्रयत्नशील आहोत असे सांगितले. त्यांनी बार्टी च्या उपक्रमाबद्दल कौतुक करून त्यांनी माता रमाईचं एक स्वतंत्र व्यक्तिमत्व असून त्यांचे संशोधन खोलवर जाऊन करावे त्यासाठी आम्हाला काही माहिती मिळाली आहे ती बार्टीस दिली जाईल असे सांगितले.
तसेच यावेळी ॲड एस. के. भंडारे (ट्रस्टी/राष्ट्रीय उपाध्यक्ष, केंद्रीय कार्यालय प्रमुख) यांनी माता रमाई यांचा त्याग माता बरोबर आम्ही स्फूर्ती माता सांगत असून त्यांनी माता रमाई ची स्फूर्ती देणारी उदाहरणे सांगितली व माता रमाई ला वंदन करण्यासाठी स्मारकापर्यंत बस येऊ शकत नाही त्यासाठी प्रशासनाने मोठा रोड करण्याची मागणी केली.

तसेच डॉ बबन जोगदंड (बार्टी ),सुषमाताई पवार (राष्ट्रीय उपाध्यक्षा व केंद्रीय महिला विभाग प्रमुख), स्वातीताई शिंदे (अध्यक्ष, महाराष्ट्र राज्य महिला शाखा), अनंत सावंत (अध्यक्ष, रत्नागिरी जिल्हा शाखा) इत्यादींनी माता रमाई जयंती निमित्त शुभेच्छा दिल्या. भंते ए सुमेधबोधी यांनी त्रिशरण पंचशील व आशीर्वाद दिले.यावेळी रागिणीताई पवार (केंद्रीय महिला उप प्रमुख)भारतीताई शिराळ (केंद्रीय महिला विभाग सचिव) , संतोष जाधव (, रायगड दक्षिण जिल्हा अध्यक्ष) अनिल घाडगे(दापोली तालुका अध्यक्ष), दिपक धोत्रे (वनंद गाव शाखा अध्यक्ष) इत्यादी प्रमुख पदाधिकारी उपस्थित होते. वनंद भावकितील संतोष धोत्रे, सुभाष धोत्रे इत्यादींनी मनोगत व्यक्त केले.यावर्षी दि बुद्धिस्ट सोसायटी ऑफ इंडिया व समाज कल्याण विभागाच्या डॉ बाबासाहेब आंबेडकर संशोधन व प्रशिक्षण संस्था (बार्टी) च्या संयुक्त विद्यमाने माता रमाई महोत्सव साजरा केला. तसेच बार्टीच्या वतीने प्रेरणा खरात या मिलिंद कॉलेज, औरंगाबाद च्या विद्यार्थी विद्यार्थिनीने मी रमाई बोलतेय हे एकपात्री नाटक केले व शाहीर शाहिद खेरटकर आणि त्यांच्या संचाने क्रांतीची पाऊले या बुद्ध -भीम गीत गायनाचा प्रबोधन कार्यक्रम केला.

माता रमाई जयंती निमित्त डॉ भीमराव य आंबेडकर यांच्या हस्ते बार्टीच्या पुस्तकाच्या स्टॉलचे उद्घाटन डॉ बबन जोगदंड,रत्नागिरीचे अतिरिक्त पोलिस अधीक्षक बाबुराव महामुनी, दापोलीचे पोलीस निरीक्षक तोरसकर यांचा सत्कार करण्यात आला. माता रमाई यांना अभिवादन करण्यासाठी राज्यभरातून मोठ्या संख्येने अनुयायी उपस्थित होते. त्यानंतर डॉ भीमराव य आंबेडकर यांनी आपल्या सहकाऱ्यासहित डॉ बाबासाहेब आंबेडकर यांचे आंबडवे गाव येथे भेट दिली. तेथे वंचित बहुजन आघाडीचे सुदर्शन सकपाळ यांच्या मातोश्री यांचे निधन झाल्याने त्यांचे घरी जाऊन सांत्वन केले. राज्यभरातून माता रमाई यांना अभिवादन करून अनुयायी आंबडवे येथे सुद्धा डॉ बाबासाहेब आंबेडकर यांचे पिता सुभेदार रामजी बाबा यांना अभिवादन करण्यासाठी मोठ्या संख्येने आले होते.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत