“बाबा,
ह्याचे श्रेय फक्त ,
तुझ्याच संविधानाला.!”
कुणाला पचेल अथवा ना रुचेल,
कुणी दुजोरा देतील,
अथवा नाकारतील,
पण सूर्यप्रकाशाइतके,
स्वच्छ सांगायचे तर बाबा,
श्रेय यशाचे, जागतिक पराक्रमाचे,
महिला क्रिकेट संघाचे, ,
आहे तुझ्याच संविधानाला.!
होती अबला,
नव्हता हक्क शिक्षणाचा,
मुक्त वावरण्याचा,
विचार व्यक्त करण्याचा,
कोसो मैल दूर होता खेळ,
स्पर्धात्मक खेळण्याचा,
फकस्त जखडून होती,
चूल अन मुलांच्या जंजाळात.!
होती ती, पिढ्यानपिढ्या,
दबलेली, पिचलेली,
तोंड दाबून,
मुक्याने मार सहन करीत,
जनावरापरी जिवन जगणारी,
दावणीला बांधुन असणारी.!
पण बाबा,
न भूतो, न भविष्यती,
तू प्रथम पेटवलीस,
महिला अधिकारांची वात,
हिंदू कोड बिलाच्या रुपात,
अन करून ठेवलीस तरतूद,
शिक्षणाची, हक्कांची, मतदानाची,
समानतेची, वारसाहक्काची,
अनेकानेक, देशाच्या संविधानात.!
मिळता हक्क, अधिकार,
ती सुटली वेगात, प्रगतीच्या वाटेवर,
सांभाळुन कौटुंबिक अवडंबर,
दाखवून दिली क्षमता वारंवार, निरंतर,
झाली ती, पंतप्रधान, राष्ट्रपती,
इतकेच नव्हे तर,
झेपावली अंतराळावर.!
आता तर नुकतीच,
तिच्या अधिकारांची,
क्षमतेची, झुंजूमुंजू झालीय,
मूलभूत हक्कांना,
कोंब फुटू लागलेय,
तिच्या कक्षा अनेकांगांनी रुंदावताय,
तिला अधिक सिद्ध व्हायचय,
तो दिवस दूर नाही,
जेव्हा ती सार्वभौमत्व मिळवेल.!
तो दिवस दूर नाही,
जेव्हा ती सार्वभौमत्व मिळवेल.!!
तो दिवस दूर नाही,
जेव्हा ती सार्वभौमत्व मिळवेल.!!!
अरुण निकम.
9323249487.
मुंबई.
दिनांक 05/11/2025.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
