मराठा आरक्षण व जालना लाठीमारच्या निषेधार्थ बुलढाणा शहरात आज, बुधवारी मध्यान्ही निघणारा मराठा क्रांती मोर्चा निघणार आहे. यानिमित्त सात वर्षांपूर्वी बुलढाण्यात निघालेल्या ऐतिहासिक मोर्च्याचे स्मरण सर्वांनाच होणार आहे. आजचा मोर्चा त्या मोर्च्याची बरोबरी करणार की त्यापेक्षा वरचढ ठरणार, अशी चर्चा यानिमित्त रंगली आहे.
मागील शिस्तबद्ध मोर्च्याचा अनुभव पाठीशी असल्याने पोलीस विभाग फारसा तणावात नसल्याचे चित्र आहे. मागील १३ सप्टेंबर २०१६ रोजी काढण्यात आलेला मोर्चा संख्या, शिस्त, संयम, अनुशासन, नियोजन या सर्वच बाबतीत अभूतपूर्व ठरला होता. या पार्श्वभूमीवर आजचा मोर्चा कसा निघणार, मागची बरोबरी करणारा की वरचढ ठरणार? अशी व्यापक उत्सुकता पोलीस, जिल्हावासीयांसह आयोजकांनाही आहे.
जिल्ह्याभरातून आलेले सकल मराठा समाज बांधव बुधवारी सकाळी बुलढाण्यातील जयस्तंभ चौक परिसरातील जिजामाता व्यापार व क्रीडा संकुल येथे जमा होणार आहे. संगम चौकातील नियोजित शिवस्मारक शिवरायांच्या पुतळ्याचे पूजन करण्यात येईल. यानंतर जयस्तंभ चौक ते लालाजी आईस्क्रीम, स्टेट बँक चौक ते जयस्तंभ असा मार्ग राहणार आहे. जयस्तंभ चौकात महाविद्यालयीन युवती मोर्चाला संबोधित करतील. यानंतर जिल्हाधिकाऱ्यांना निवेदन दिल्यावर जिजाऊ वंदनाने मोर्च्याची सांगता होणार आहे.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
