अपघाताची माहिती मिळताच घटनास्थळी महाड, माणगाव इथून बचाव पथके, रुग्णवाहीका घटना स्थळाकडे रवाना झाले आहेत. पुण्याहून शाळेची सहल कोकणात येत असताना बसचा अपघात झाला असल्याची माहिती मिळत आहे. पोलिसांकडून मिळालेल्या प्राथमिक माहितीनुसार, अपघातात दोघांचा मृत्यू झाला असून, 55 जखमी आहेत. सर्व जखमींना रुग्णालयात हलवण्यात आले असून, त्यांच्यावर उपचार करण्यात येत आहे.
रायगडमधील माणगाव ते पुणे दरम्यानच्या ताम्हीणी घाटात एक खासगी बस उलटल्याने भीषण अपघात झाल्याची घटना आज सकाळी समोर आली आहे. ताम्हिणी घाटात अवघड वळणावर बस चालकाचा नियंत्रण सुटल्याने बस उलटली असल्याचे बोलले जात आहे. अपघातात बसमधील अनेक प्रवासी अडकले होते. दरम्यान, कोंडेघर गाव हद्दीत हा अपघात झाला होता आणि अपघाताची माहिती मिळताच गावकरी मदतीला धावून आले. नागरिकांनी बसमध्ये अडकलेल्या सर्व प्रवाशांना बाहेर काढले. ज्यात दोघांचा मृत्यू झाला असल्याची माहिती समोर येत आहे. तर, 55 जखमी आहेत.
परिसरातील नागरिकांना अपघाताची माहिती मिळताच त्यांनी तात्काळ घटनास्थळी धाव घेत मदतकार्य सुरु केले. तर, जखमींची संख्या अधिक असल्याने तात्काळ याची माहिती परिसरातील आरोग्य प्रशासनाला देण्यात आली. विशेष म्हणजे 55 जण जखमी झाल्याने त्यांना रुग्णालयात नेण्यासाठी मोठ्या प्रमाणात रुग्णवाहिकाची गरज असल्याने, महाड, माणगाव इथून बचाव पथके, आणि रुग्णवाहीका बोलवण्यात आल्या. त्यानंतर जखमींना रुग्णालयात उपचारासाठी दाखल करण्यात आले. या अपघातात दोन महिलांचा मृत्यू झाला आहे. रायगडच्या ताम्हिणी घाटात शाळेची बस उलटल्याची माहिती मिळताच स्थानिक पोलीस तात्काळ घटनास्थळी दाखल झाले होते. यावेळी पोलिसांनी जखमींना मदत करत त्यांना रुग्णालयात हलवले. पोलिसांनी वाहतूक कोंडी सोडवत पुन्हा वाहतूक सुरळीत केली. पोलिसांचे वरिष्ठ पोलीस अधिकारी देखील रुग्णालयात पोहचले आहे.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
