“अतिशुक्ष्म धूलिकणांमूळे वायू प्रदूषणात झाली वाढ त्यामूळे विविध व्याधींचा त्रास.”

  जगातील ९२ टक्के लोकसंख्येला अतिसूक्ष्म धूलिकणांचा(पीएम२.५) त्रास होत आहे. जागतिक आरोग्य संघटनेने निर्धारित केलेल्या मर्यादेहून अतिसूक्ष्म धूलिकणांचे प्रमाण जास्त आहे. २०३० पर्यंत त्यात ५० टक्के वाढीची शक्यता आहे.

युनायटेड नेशन्स एन्व्हायर्नमेंट प्रोग्राम (यूएनईपी) ने २०२१ मध्ये ‘अॅक्शन ऑन एअर क्वॉलिटी’ हा आपला २०१६चा अहवाल अद्यायावत केला आहे. त्यात विविध देश हवेची गुणवत्ता कशी सुधारू शकतात, यावरही प्रकाश टाकण्यात आला आहे. जागतिक बँकेच्या म्हणण्यानुसार, दक्षिण आणि पूर्व आशिया, पश्चिम आशिया आणि उत्तर आफ्रिका हे प्रदेश सर्वाधिक प्रदूषण असलेले म्हणून ओळखले जातात. या क्षेत्रात ‘पीएम२.५’चे प्रमाण उत्तर अमेरिकेच्या तुलनेत आठ ते नऊ पट अधिक असल्याचे आढळले आहे. वायू प्रदूषणामुळे होणाऱ्या मृत्यूंपैकी निम्म्याहून अधिक मृत्यूची नोंद चीन आणि भारतात होते. त्यामुळे या भागात वायू प्रदूषण कमी करण्यासाठी एकत्रित प्रयत्नांची गरज व्यक्त करण्यात आली आहे. शहरांच्या विस्तारामुळे हवेचे प्रदूषण अनेक प्रकारे वाढले आहे. वाहतूक हे शहरांमध्ये वायू प्रदूषणाचे एक प्रमुख कारण आहे. दाट इमारती किंवा निवासी भागांमुळे हवेच्या प्रवाहाचा वेग मंदावतो.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत