140 वर्षांपूर्वी 1882 मध्ये आजच्या दिवशी महात्मा ज्योतिराव फुले यांनी सर विल्यम हंटर यांच्या अध्यक्षतेखालील हंटर एज्युकेशन कमिशनला आपले निवेदन सादर केले होते. महात्मा फुलेंनी जी शिक्षण विषयक साक्ष हंटर कमिशनसमोर दिली ती चातुर्वण्य शिक्षण पद्धतीला मोठा धक्का होता व सामान्य जनतेच्या शिक्षण हक्काचा तो जाहीरनामा होता. महात्मा फुले यांनी साक्ष देताना म्हटले की, शूद्रांच्या अवनतीचे प्रमुख कारण हे शिक्षणाचा अभाव आहे.ब्रिटिश सरकार सामान्य जनतेकडून कररूपाने महसूल जमा करते; पण तो उच्च वर्गाच्या शिक्षणासाठी खर्च करते. ब्रिटिश सरकारने सक्तीचे व मोफत प्राथमिक शिक्षण दिले पाहिजे. बहुजन समाजातील शिक्षक शाळेत नेमले पाहिजेत. चढाओढीच्या तत्वावर शिष्यवृत्ती न देता, जी मुले शिक्षणात मागे आहेत त्यांना प्रोत्साहन दिले गेले पाहिजे. उच्चवर्गीय लोक त्यांच्या उच्च शिक्षणाची काळजी घेण्यास समर्थ आहेत. त्यामुळे सरकारने तिकडचे लक्ष कमी करून रयतेच्या शिक्षणावर लक्ष दिले पाहिजे. सरकारने शूद्रांसाठी खेड्यापाड्यात खास शाळा स्थापन कराव्यात. स्त्रियांमध्ये शिक्षणाचा प्रसार व्हावा म्हणून सरकारने उपाययोजना करावी, तसेच शाळेच्या अभ्यासक्रमात व्यवहारोपयोगी शिक्षणाचा समावेश करावा असा आग्रह महात्मा फुले यांनी हंटर कमिशनसमोर धरला.शिक्षण एक परिवर्तन……
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
