सध्या देशभर लोकसभा निवडणुकीचे वारे वाहू लागले आहेत. या निवडणुकीच्या काही महिने आधीच बिहार सरकारने सोमवारी (2 ऑक्टोबर) जातीनिहाय जनगणनेची आकडेवारी जाहीर केली आहे. या आकडेवारीनुसार, बिहारची एकूण लोकसंख्या 13 कोटीहून अधिक असल्याचं निष्पन्न झालं आहे. राज्यातील एकूण लोकसंख्येच्या तुलनेत 63 आहे. टक्के लोक हे इतर मागासवर्गीय(ओबीसी)समुदायाचेअसल्याचे जनगणनेतून समोर आले आहे.या जनगणनेत असं दिसून आलं आहे की, बिहारमधील 13 कोटी लोकसंख्येपैकी अनुसूचित जातींचा वाटा 19 टक्क्यांहून अधिक आहे. तर अनुसूचित जमाती 1.68 टक्के इतके आहेत. याशिवाय राज्याच्या लोकसंख्येच्या 15.52 टक्के लोक उच्च जाती किंवा ‘सवर्ण’ समुदायाचे आहेत. सर्वेक्षणाच्या तपशीलवार विभाजनावरून, राज्यात मागासवर्गीय लोकसंख्या 27 टक्के आहे, तर अत्यंत मागास वर्ग ( EBC ) 36 टक्के इतका आहे.
एकूण लोकसंख्येच्या तुलनेत बिहारमध्ये भूमिहार समुदाय 2.86 टक्के आहे, तर ब्राह्मण समुदाय 3.66 टक्के आहे. मुख्यमंत्री नितीश कुमार हे कुर्मी समाजाचे आहेत, या समाजाची लोकसंख्या 2.87 टक्के इतकी आहे. तसेच उपमुख्यमंत्री तेजस्वी यादव हे यादव समुदायाचे असून त्यांची लोकसंख्या 14 टक्के आहे. याशिवाय राज्यात मुसाहर समाज 3 टक्के आहे.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
