जपानी JLPT परीक्षेत परिवत्तन मिशन फाउंडेशन- धाराशिव च्या सहा विद्यार्थ्यांचे घवघवीत यश
धाराशिव : जपान फाऊंडेशन, दिल्ली यांच्या वतीने जुलै महिन्याच्या पहिल्या रविवारी घेण्यात आलेल्या JLPT (Japanese Language Proficiency Test) या जपानी भाषेच्या परीक्षेत परिवत्तन मिशन फाउंडेशनच्या सहा विद्यार्थ्यांनी यश संपादन केले आहे.
जपानी भाषा ही जगातील कठीण भाषांपैकी एक मानली जाते. अशा आव्हानात्मक परीक्षेत अनुष्का सूर्यपाणी, विपुल कोशे, नीर कोशे, अभिजित गवई, क्षितिज शेरखाने आणि विपश्यना गवंडे या सहा विद्यार्थ्यांनी यश मिळवत संस्थेच्या शिरपेचात आणखी एक मानाचा तुरा रोवला आहे.
परिवत्तन मिशन फाउंडेशनचे उल्लेखनीय कार्य
ग्रामीण व निमशहरी भागातील विद्यार्थ्यांना जागतिक शिक्षण, रोजगार आणि करिअरच्या संधी उपलब्ध करून देण्याच्या उद्देशाने परिवत्तन मिशन फाउंडेशन कार्यरत आहे. विद्यार्थ्यांना केवळ पारंपरिक शिक्षणापुरते मर्यादित न ठेवता जपानी, जर्मन, फ्रेंच, यांसारख्या परदेशी भाषांचे प्रशिक्षण, तसेच आंतरराष्ट्रीय शिक्षण आणि करिअरसाठी आवश्यक कौशल्यांचे मार्गदर्शन देण्यावर संस्थेचा भर आहे.
परदेशी भाषा शिकल्यामुळे विद्यार्थ्यांना जपानसह विविध देशांमध्ये उच्च शिक्षण, रोजगार, स्कॉलरशिप आणि आंतरराष्ट्रीय करिअरच्या संधी मिळवण्याचा मार्ग सुकर होऊ शकतो. आर्थिक किंवा भौगोलिक अडचणींमुळे जागतिक संधींपासून वंचित राहणाऱ्या विद्यार्थ्यांना योग्य मार्गदर्शन व प्रशिक्षण देऊन त्यांना आंतरराष्ट्रीय स्तरावर सक्षम करण्याचे काम संस्था करत आहे.
या यशाबद्दल बोलताना परिवत्तन मिशन फाउंडेशनचे संस्थापक किशोर भगत म्हणाले, “विद्यार्थ्यांमध्ये परदेशी भाषा आणि जागतिक कौशल्ये विकसित करून त्यांना भारताबरोबरच जगभरातील शिक्षण व रोजगाराच्या संधींसाठी तयार करणे हे आमचे प्रमुख उद्दिष्ट आहे. जपानी भाषेचे ज्ञान आणि JLPTसारखी प्रमाणपत्रे विद्यार्थ्यांच्या भविष्यातील करिअरसाठी महत्त्वाची ठरू शकतात. ग्रामीण भागातील विद्यार्थ्यांनीही जागतिक स्तरावर स्पर्धा करावी आणि आपल्या क्षमतेच्या जोरावर आंतरराष्ट्रीय संधी मिळवाव्यात, यासाठी परिवत्तन मिशन फाउंडेशन सातत्याने प्रयत्नशील आहे.”
सहा विद्यार्थ्यांच्या या यशामुळे परिवत्तन मिशन फाउंडेशनच्या ‘स्थानिक विद्यार्थ्यांना जागतिक संधी’ या संकल्पनेला बळ मिळाले असून, परिसरातील विद्यार्थ्यांमध्ये परदेशी भाषा शिकण्याबाबत उत्साह निर्माण झाला आहे.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
