कल्याण डोंबिवली मध्ये मोदी गॅरंटी वाले बॅनर – आचारसंहिता भंग चा गुन्हा नोंद.

डोंबिवली: कल्याण डोंबिवली महापालिका क्षेत्रात आचारसंहितेचा भंग केल्या प्रकरणी पहिला गुन्हा मानपाडा पोलीस ठाण्यात दाखल झाला आहे. डोंबिवली पूर्वेकडील कल्याण शीळ रोडवरील परिसरात एका जाहिरात एजन्सीने नरेंद्र मोदींचे मोठं होर्डिंग लावलं होतं. मात्र यासाठी परवानगी घेण्यात आलेली नव्हती.

८० कोटी लोकांना मोफत रेशन. मोदींची गॅरंटी. फिर एक बार मोदी सरकार,’ अशा आशयाचे होर्डिंग लावण्यात आले होते . या होर्डिंगसाठी कोणतीही परवानगी घेण्यात आली नसल्याची तक्रार करण्यात आली. त्यानंतर कल्याण डोंबिवली महापालिकेचे सहाय्यक आयुक्त भारत पवार यांच्या तक्रारीनुसार मानपाडा पोलीस ठाण्यात संबंधित एजन्सी एडी प्रमोशन ऍडव्हर्टायझिंग सर्व्हिसेस विरोधात आचारसंहितेचा भंग केल्याप्रकरणी गुन्हा दाखल करण्यात आला आहे.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत