राजा नागवा झाला आहे का ??.

समाज माध्यमातून साधा आभार

ग्रामपंचायतने #ग्रामसभा घेऊन एकमताने घेतलेला निर्णयाला देशाच्या संसदेत होणार्‍या निर्णयायेवढे महत्व आहे.
भारताच्या संविधानाने लोकांना हा हक्क दिलेला आहे.
भारतीय संविधानाने दिलेल्या याच हक्काच्या अधिकारातून माळशिरस तालुक्यातील मारकडवाडी येथिल ग्रामस्थ स्व-खर्चाने मतपत्रिकेवर मतदान घेवून,आपण EVM मशिनवर दिलेल्या मतदानाची पडताळणी करु ईच्छित आहेत जे पुर्णत: कायदेशीर आहे.
यामध्ये त्यांच्याकडून प्रशासकीय यंत्रणेला आणि निवडणुक आयोगाच्या EVM च्या कायद्याला कुठे ही बाधा येत नाही.
असे असतानाही जिल्हा प्रशासनाने सदर गावामध्ये जमावबंदीचा आदेश लागू केलेला आहे.
प्रशासनाशिवाय कुणालाही मतदान प्रक्रिया राबवण्याचा अधिकार नाही.
अशा आशयाच्या नोटीसा ग्रामस्थानांना देण्यात आलेल्या आहेत.
प्रशासनाला अशा प्रकार आडकाठी आणण्याचा कुठला ही संवैधानिक अधिकार नाही.
याप्रकरणी गावातील ग्रामसभेच्या ठरावाच्या विरोधात वर्तन करुन गावामध्ये तनाव निर्माण करुन,कायदा-सुव्यवस्थेचा प्रश्न निर्माण केल्याबद्दल ग्रामस्थांना संबंधित प्रशासनावर व नोटीस पाठवणार्‍या अधिकार्‍यावर कायदेशीर कारवाई करण्याचा मरकडवाडी ग्रामपंचायतीला अधिकार आहे.
ग्रामस्थ स्वत: स्व-खर्चातून मतपत्रिकेवर मतदान प्रक्रिया पार पाडून आपण स्वत: दिलेल्या मतदानाची पडताळणी करुन पाहू ईच्छित असतील तर यात प्रशासनाला नेमकी कशाची भिती वाटत आहे ??.
प्रशासनाने सदर दिवशी फक्त कोणताही कायदा सुव्यवस्थेचा प्रश्न निर्माण होऊ नये म्हणून बंदोबस्त ठेवावा.
अन्यथा,उद्या शाळेच्या वर्गातील माॅनेटर निवडीचा सुद्धा विद्यार्थ्यांना अधिकार नाही असे म्हणून शाळेमध्ये जमावबंदीचा आदेश लागू करु नये म्हणजे मिळवले.
मारकडवाडी ग्रामस्थाप्रमाणे महाराष्ट्रातील ज्या ज्या ग्रामपंचायतींना आपण दिलेल्या मतांबद्दल पडताळणी करावयाची आहे त्यांनी त्यांनी मारकडवाडी ग्रामपंचायती नुसार ग्रामसभेचा एकमताने ठराव करुन,मतपत्रिकेवर मतदान प्रक्रिया पार पाडावी.
आणि राजा कपडे घातलेला आहे का नागवा आहे हे आपापल्या गावात पडताळून पाहावे !!.
सत्यमेव_जयते !!.♥️🌹🙏

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत